Palicu

Artìculu n vitrina
Dâ Wikipedia, la nciclupidìa lìbbira.
Palichi o Annetta denti n lignu
Lu palicu tradizzionali dû Maroccu: ammi visnaga
Lu palicu giappunisi

 

Lu palicu o annetta denti è un vastuneddu chi havi armenu na punta appuntuta ca pirmetti di nfilallu mmenzu dî denti pi livari li residui dû manciari duvutu â masticazzioni. E' usatu puru pi pigghiari li pizzudducchia d’antipasti accussì vieni cchiù facili a cuogghili (cubetti di càciu, aliva, pizzuddìcchia di sasizza, pizzuddicchia di carni ecc…). E’ chiamatu puru sticchinu.

Discrizzioni[cancia | cancia la surgenti]

Lu palicu o annetta denti, è di solitu fattu di lignu, ma pò puru essiri fattu di prastica, o di mitallu.
Li cchiù antichi palichi ièranu fatti di filamenti di ligna o ièranu fatti di ossa.
Li palichi misuranu 5-6 centimetri.

Li marocchina usanu li gammi di la pianta Visnaga daucoides ditta puru Ammi visnaga, p’annittàrisi li denti.

Storia[cancia | cancia la surgenti]

Lu palicu esisti già di l’ebbica preistorica, picchí tracci di palichi hannu statu scoperti ntê denti di li crozzi di l’òmini dû neoliticu. Palichi o Annetta denti fatti n bronzu hannu statu attruvati ntê tombi priistoriche o nord dî Italia e a l’est dî Arpi. Stu ogettu era videmma accanusciutu n Mesopotamia. Agatocli di Sarausa fu ammazzatu nnô 289 avanti a.C. p’un palicu mprignatu di vilienu ca ci fu datu di unu di soi schiavi. Na stessa manera hannu statu attruvati palichi n argentu appartinenti all’Antichitati e palichi romani in “Pistacia lentiscus”.
La parola veni citata pi la prima vota nnô nvintariu dû duca de Berry nnô 1416, e lu palicu modernu cchiù anticu ca nni pirvinni è un palicu n oru du XVI sieculu, d’origgini taliana, sarbatu o Metropolitan Museum di Nuova York. Nta li Stati Uniti, parissi ca unu di cchiù vecchi ristoranti du paìsi, l’Union Oyster House a Boston ha statu, nnô 1865, lu primu a òffriri du’ palichi ai soi clienti. Lu patruni, Charles Forster , avia mpurtatu li palichi di la Mirica du Sud e vosi prumùviri stu oggettu. Di consequenza iddu paò studenti di l’Universitati di Harvard picchì iddi manciassiru ntô sou risturanti e addumannàssiru li palichi.
Lu primu apparecchiu a fabbricari pi via nnustriali li palichi ha statu brivittatu lu 20 di Fivraru dû 1872 pi Silas Noble et J. P. Cooley, arrisirienti dû Massachusetts.


Aneddutu[cancia | cancia la surgenti]

Lu Statu dû Maine affirma di èssiri la capitali munniali dû palicu o annetta denti, picchì produci lu 90% di palichi du paìsi. Chista è la cittadi ca cunnùci ogni annu lu Festival ntirnazzionali dâ “curedentphilie”, palicufilìa. Ma nzocch’è la palicufilìa? E’ n’arti ca fici la sou apparizzioni â fini dî anni 70. L’arti di costruiri di rèpplichi di monumenta usannu li palichi. Unu dî sou cchiù granni cullabburatura è lu miricanu Jerry Mango Woodysticks. Iddu è notamenti accanusciutu pâ sua rapprisintazzioni du Taj Mahal javutu cchiù assai di 3 metri. Pi sto munumentu dâ palicufilìa, abbisugnaru cchiù assai di 2500 palichi e cchiù assai di 4 litra di codda! N Francia diversi associazzioni hannu affacciatu nna l’anni 90. La cchiù accanusciuta èni senza dubbiu la ”Paris CD association”(Associazzioni Parisi CD)chi avi circa 100 membra, ma ci nni sunnu videmma cchiù picciddi, comu l’associazzioni “Les amis du Bâtonnet d'Amiens"(L’amici dû vastunieddu di Amiens), li "Curedenpholiques de la Rochelle"(Palicufolìchi dâ Rochelle) o ancuòra "Les amoureux du cure-dent de Saint-Etienne"( L’Amanti dû palicu di Saint-Etienne).


Wikimedaglia
Wikimedaglia
Chista è na vuci nzirita nni l'artìculu n vitrina, zoè una dî mègghiu vuci criati dâ cumunità.
Fu arricanusciuta lu 18 di frivaru 2010

S'hai traduciutu n'artìculu o hai criatu na vuci e riteni ca sia lu casu di fàrila canùsciri picchì è cumpreta n tuttu, signàlila. Naturalmenti, sunnu boni accittati suggirimenti e canciamenti chi mìgghiùranu lu travagghiu.

Signala na vuci          Archiviu         Talìa tutti l'articuli n vitrina