Africa dû Nord

Dâ Wikipedia, la nciclupidìa lìbbira.
(Rinnirizzata di Nordafrica)
Li paisi di l'Africa dû Nord

Pi Africa dû Nord si ntenni tutta l'Africa ô nord dû Sahara. Abbitata di na pupulazzioni di etnia e di culuri di peddi diversa dû restu dû cuntinenti, l'Africa dû Nord ha ntrattinutu rapporti cummirciali, culturali assai ntensi cu l'uccidenti. Già in èbbica rumana, l'Africa dû Nord fu amministrata pi na quattrina di sèculi di Roma. Ntô mediuevu l'africa dû Nord fu occupata di l'àrabbi, chi tintaru puru di tràsiri in Europa. la civilizzazzioni àrabba trasìu e s'affirmau in Spagna e pi na para di sèculi puru n Sicilia, ma fu cummattuta dû papatu, dî bizzantini, e dî tutti li regni cristiani chi duminavanu l'Europa cuntinintali (nurmanni, franchi).

Ntô vintèsimu sèculu, l'Africa dû nord, doppu nu piriudu di diversi sèculi di dicadenza, s'affrancau dî paisi culunizzatura (Francia, Italia, Regnu Unitu) e accuminzau nu piriudu di sviluppu ecunòmicu e cummiriciali, grazzî n particulari ô pitroliu, in Libbia, ô gas in Algirìa, e ô turismu in Eggittu, n Tunisia e ô Maroccu.