Nobuo Uematsu
Nobuo Uematsu (植松 伸夫; Uematsu Nobuo, nasciutu lu 21 di marzu, 1959) è nu cumpusituri giappunisi di mùsica pî vidiogiochi, unu dê cchiù canusciuti, prulifici e virsatili dû sò campu. Ha crìatu li brani pâ serî Final Fantasy e macari pô jocu Chrono Trigger, tutti dui crìati dâ Squaresoft (attuarmenti Square-Enix). King's Knight è lu primu vidiogiocu ca ci scrivìu la musica.
Biografìa[cancia | cancia la surgenti]
Nascìu a Kochi City, nnâ prifittura di Kochi, ntô Giappuni, Uematsu accumincia a sunari lu pianuforti all'ità di dudici anni (lu sò primu mudellu divinìu Elton John) in manera autudidattica. Frequentau l'Univirsità di Kanagawa scigghiennu di nun spicilizzarisi in musica. Uematsu nun hapi mai sigùtu cursi o scoli pî migliurari la sò attività risurtannu accussì senza na priparazioni furmali. A 22 anni accumincia a sunari la tastera e quattr'anni doppu veni assuntu dâ Squaresoft pi scriviri brani pî vidiugiochi. Lu stili di li sò cumpusizioni varia dî simili â musica classica, a na speci di new age, a brani metal/techno spirati ô gruppu Emerson, Lake and Palmer, e macari a quarche cosa di differenti e picca addifinibili.
Nnô 2003 Uematsu forma nu gruppu chiamatu Black Mages e crìa nu album ccû novi virsioni dê cumpusizioni già prisenti ntâ serî Final Fantasy. Li The Black Mages, unni Uematsu stissu fapi lu tasterista, sunu nu gruppu di musicisti rock ticnicamenti avanzati ca hana rielabburatu e riscrivutu in manera nova li principali brani di la famusa serî dê jochi di ròlu.
La mùsica di Uematsu ha avutu nu mpurtanti ròlu ntâ diffusioni di Final Fantasy ntî li Stati Uniti. Pi l'Olimpiadi estivi dû 2004, lu duettu statunitensi furmatu dî Alison Bartosik e Anna Kozlova vincìu la midagghia di bronzu utilizzannu dui brani brani di Final Fantasy nnâ secunna mità dâ prova.
Oi, Nobuo Uematsu viva in Giappuni cu sò mugghieri Reiko e lu cani Pao.
Lu 1 di nuvèmmiru 2004 Uematsu lassa Square-Enix e forma na propia sucità ca chiama Smile Please ca scriva musica pî vari aziendi vidiuludichi tra cui Square-Enix e Mist Walker.