Nicolas Hayek

Dâ Wikipedia, la nciclupidìa lìbbira.

Nicolas George Hayek (Beirut 19 di frivaru 1928 - Bienne 28 di giugnu 2010) fu nu mprinnituri svìzziru di uriggini libbanisi. Prisidenti dû Swatch Group, nti l'anni '80 jucau nu rolu mpurtanti ntâ nnustria ruluggiara svìzzira. All'èbbica, pruduttura forasteri stapèvanu nvadennu li mircata ntirnazziunali e la nnustria svizzira dî rologgia appi a attravirsari nu piriudu di crisi. Hayek è canusciutu pi aviri sprummintatu lu rologgiu di plastica Swatch, chi appi nu successu assai granni chi dura ancora òi. Ntô stissu tempu sappi mettiri â tritta la nnustria ruluggera e rifunnarla di nu puntu di vista dâ gistioni. Lu gruppu chi diriggìa prudici nun sulu ruloggi di prezzu bassu, ma puru ruloggi di gamma media e hauta. Marchi comu Breguet, Omega o Longines fanu parti dû gruppu diriggiutu nzinu â sò morti di Hayek.