Murriali (PA)

Di Wikipedia, la nciclupidìa lìbbira.

Murriali

Muttu:
Nomu ufficiali:	Monreale
Pruvincia:	Palermu (PA)
Superfici:	529 km²
Abbitanti:	31.343
Dinzitati:	59 ab./km²
Cumuni cunfinanti:	Àrcamu, Parcu, Busacchinu, Burgettu, Calatafimi-Segesta (TP), Campuriali, Carini, Chiana, Cuntissa, Cunigghiuni, Giardineddu, Gibbellina (TP), Gudranu, Marineu, Muntilepri, Palermu, Partinicu, Poggiuriali (TP), Roccamena, San Cipirreddu, San Giuseppi Jatu, Santa Cristina Gela, Turretta
CAP:	90046
Prifissu telefònicu:	+091
Situ ufficiali:	{{{situufficiali}}}

Murriali (o Munriali nta àutri parrati siciliani), a na dicina di chilomitri di Palermu, è na cità canusciuta supratuttu pi lu duomu, chi cu li sô musaici e l'absidi granni chi raffigura nu mosaicu di lu Cristu è l'asempiu sicuramenti cchiù mpurtanti di architittura bizzantinu-nurmanna in Sicilia. Cu lu chiostru, ô latu di la chiesa, attrai ogni annu migghiaia di turisti di tuttu lu munnu.

[cancia] La cattiddrali

Lu Domu di Murriali è unu dî munumenta cchiù canusciuti dâ Sicilia.

Comu la Catridali di Palermu e di Cifalù, la so custrizzioni abbeni grazzi nu suvranu nurmannu: Gugghiermu II, dittu lu Bonu.

Lu travagghiu dû tempiu accuminzau ntô 1172 e doppu sulu quattru anni lu travagghiu si tirminau, puru siddu la custrizzioni di nu granni tempiu nun finisci mai. Pi la porta n bronzu, lu re cumannau lu travagghiu a Bonannu Pisanu, chi ci la mannau di Pisa tra lu 1185 e lu 1186.

Lu tempiu murrialisi ammustra diversi stili pû fattu, tra tanti, ca sparti di travagghiatura taliani e siciliani, d'urìggini cc'èranu maistri musurmani. Di straurdinaria mpurtanza sunnu li musaici, chi òccupanu n'aria di 7.584 mq. Rapprisèntanu na vera attrazzioni artìstica chi raccunta cu mmàggini suggistivi la storia dû cristianèsimu, tra cui si vidi fatti di l'anticu tistamentu, la vita di Cristu, l'Atti di l'apòstuli e lu triunfu d'Angeli e Santi.