Murra

Murra è na band ètnica siciliana di Nissa (CL).

Storia dû gruppu

Stu gruppu nissenu havi cchiù di ventitrì anni d'attivitati, e pi diciassetti anni opirau ntô campu dî tradizzioni pupulari. Facennu un travagghiu di ricerca, lu gruppu ricùpira zoccu carattirizzau la storia e la tradizzioni dâ Sicilia. Ma lu travagghiu dû gruppu, nta l'ùrtimi sei anni havi cunzistutu supratuttu a la ntroduzzioni di sònira e strumenti tìpici dâ cultura miditirrània 'n ginirali.

Cu assai pirsiviranza, custanza e mpegnu, li cumpunenti dû gruppu hannu studiatu e cantatu la Sicilia e la sicilianitati nta li sò diversi aspetti: lu passatu, la sò tradizzioni, la sò ricchizza di sunuritati e nfruenzi (ca vèninu dî duminazzioni di l'àrabbi, dî spagnoli, dî francisi, ecc.).

Oi, li Murra stùdianu lu prisenti cu li sònura e li strumenti c'affùnnanu li ràdighi ntô passatu ca si cancia sempri cchiù p'effettu dâ custanti ntigrazzioni di li pòpuli miditirrànii.

Cumpunenti dû gruppu

• Pierfrancesco Fazio - (tammureddu, pircussioni, vuci)
• Rosa Giambra - (vuci sulista, castagnetti)
• Fabio Messina - (viulinu mannulinu mannula, buzuki, tammureddu, vuci)
• Raffaele Messina - (chitarra cràssica, chitarra battenti, mannula, mannulinu, buzuki)
• Giampiero Cappellino - (tammureddu, pircussioni, chitarra battenti, fisarmònica, vuci)

Discugrafìa

Tra assai difficurtati, lu gruppu nissenu arriniscìu a autupruducìrisi un CD:

Album

• Murra

Liami nterni

• Cantanti e gruppi musicali siciliani

Liami sterni

• Situ ufficiali