Muhammad ibn Abbad

Dâ Wikipedia, la nciclupidìa lìbbira.

Muhammad ibn Abbad (mortu a Palermu ntô 1223), canusciutu puru cû nomu di Mirabettu fu nu capu mussurmanu. Ntâ Sicilia numinarmenti sveva (Fidiricu II, picciriddu, era addivatu dâ curti di Palermu), Muhammad capiau na rivorta ca pigghiau lu cuntrollu di diversi cità dâ Sicilia uccidintali. Agghicau puru a battiri munita e a aviri rilazioni epistulari cô papa Innuccenzu III.

Lu cuntrollu mussurmanu di Muhammad, ca ggià ntô 1206 cuntrullava diversi cità durau nzinu ô 1221 quannu Fidiricu II addicidìu di cummattiri contra lu duminiu mussurmanu n Sicilia uccidintali. L'esercitu svevu cummattiu contra li mussurmani e li battìu, accuminzannu puru a dipurtàrli ntô cuntinenti, ntâ culònia mussurmana di Lucera. Muhammad ibn Abbad fu catturatu ntô 1223 e purtatu a Palermu unni fu mpiccatu.

Secunnu na cronica mussurmana, una dî sò figghi fimmini, doppu la morti di Muhammad, capiau la risistenza â rucca di Entella ancora pi diversu tempu. Doppu aviri misu n trappula centu surdati di Fidiricu II, attirannuli ntâ rocca, li fici ammazzari tutti. Ma sintennussi assidiata e senza spiranzi si fici ammazzari â fini di nu scursuni vilinusu.

Liami di fora[cancia | cancia la surgenti]

Bibbliografia[cancia | cancia la surgenti]

  • Charles Dalli, From Islam to Christianity: the Case of Sicily, Religion, ritual and mythology : aspects of identity formation in Europe / edited by Joaquim Carvalho