Motta Sant'Anastasia

Dâ Wikipedia, la nciclupidìa lìbbira.
(Rinnirizzata di Motta Sant'Anastasia (CT))
Motta Sant'Anastasia
Motta Sant'Anastasia-Stemma.png
Muttu:  
Nomu ufficiali: Motta Sant'Anastasia
Pruvincia: Catania
Superfici: 35 km²
Abbitanti: 10.233
Dinzitati: 292 ab./km²
Cumuni cunfinanti: Belpassu, Campurutunnu Etneu, Catania, Mustarjancu
CAP: 95040
Prifissu telefònicu: +095
Situ ufficiali: {{{situufficiali}}}

Motta Sant'Anastasia (macari dittu Motta) è un cumuni di 10.233 abbitanti dâ pruvincia di Catania. L'abbitanti si chiamanu muttisi.

La cità surgi ntô virsanti miridiunali di l'Etna, a 275 metri d'altitudini, a 12 chilòmitri di Catania.

Nasci supra na rupi basàltica, criatasi nta l'èpuca glaciali: lu neck (risalenti a 550.000 anni fa), àutu 65 metri e prisenti sulamenti 'n Italia, ntâ Francia (Le Puy del Valley), nta l'Algirìa (Tamanrasset) e nni li Stati Uniti (Missouri, Montana, Arizona, Utah, New Mèssicu), cu na vegitazzioni di ficu d'Innia.

Di studî d'archeoluggìa, dû 1954, si rinvinìu ca l'orìggini dû paisi risali a la civirtà greca. Succissivamenti lu mperu romanu lu conchistau dànnuci lu nomu di Motta (Anastasia, nveci, risali a lu piriudu Grecu-Bizzantinu). Lu neck, ntô piriudu dû tirannu Dionisiu di Sarausa, fu na mpurtanti roccaforti di difisa. Ntô piriudu nurmannu, ntra lu 1070 e lu 1074 lu gran conti Ruggeru lu Nurmannu fici custruiri la turri dâ Motta, àuta 21 metri, cu na architittura dû tardu mediuevu. Nnû nizziari dû sèculu XV, lu paisi fu suttamisu a l'Aragona. Ntô 1514 fu proprietà di Aloisio Sanchez, appoi di Antonio Moncada ntô 1526. Chistu finu a lu 1900, quannu lu tirritoriu fu accattatu di lu cumuni di Motta S'Anastasia.