Mokarta

Dâ Wikipedia, la nciclupidìa lìbbira.

La canzuna Mokarta è la traccia nùmmiru cincu di l'album Shams di la band missinisi Kunsertu. Lu branu, cumpunutu nnô 1989 di Mauriziu Mastroeni e Pippu Barrile (st'àutru la canta), è na nutturna didicata a na fìmmina ca havi nomu Rosa; lu testu s'ispira a brani clàssichi dû ripirtòriu tradizziunali côltu di la mùsica siciliana, comu p'asèmpiu ...E vui durmiti ancora! (testu urigginali di Giuvanni Formisano e mùsica di Gaetanu Emmanuel Calì) o a lu cèlibbri passu Rosa fresca aulentissima di Cielu d'Alcamu, di unni veni pigghiatu lu nomu pâ carusa uggettu di l'amuri dû pueta.

Lu branu musicali arrisutta èssiri mmeci cuntaminatu dû acid jazz, dû rock, di lu acoustic e dû world music (lu gèniri fu chiamatu di l'autura "sbrong").

Doppu ca lu gruppu si spartìu, la canzuna arristau lu "cavaddu di battagghia" dô cantauturi Pippu Barrile.

Lu testu[cancia | cancia la surgenti]

Lu testu si pò dividiri 'n dui parti principali e lu lijanti è la mùsica.

La prima parti è cumpunuta di tri strofi, ca si ponnu cunzidirari la parti "puetica" di lu testu, mentri la secunna parti è la ripitizzioni di na frasi (...e nesci Rosa, t'ha diri 'na cosa) ca putemu cunzidirari cchiù "pragmàtica" e ardimintusa. La prima parti è cumpunuta accusì:

  • Ni la prima strofa lu cantanti s'arrivorgi direttamenti a Rosa, lu nomu misu di la matri, chiddu di lu cchiù beddu ciuri di lu Paradisu.
  • Ni la sicunna strofa lu prutagunista saluta li lochi chi ama (la strata, la finestra unni è ammucciata na rosa "di li rosi ammuttunata"), pirchì lijati a la bedda ca ci tinìu 'n peri la so' vita. Particularmenti accaluriata la frasi ti salutu strata cu na vampa a lu cori e vuci ardita.
  • Ni la terza strofa lu cantanti capìu cà nun c'avi chi uffriri, sulu na canzuna e la so' vuci - l'ùnicu donu ca appi di la vita - pirchì pueti sunaturi e stampasanti camparu sempri pòviri e pizzenti.

Doppu n'evuluzzioni musicali di lu sassòfunu, cui ci veni appressu la chitarra acustica ca cunchiuri l'intermezzu, avemu la parti tirminali unni lu pueta torna a parrari câ carusa e quasi comu nu mpirativu chiudi cu la frasi e nesci, nesci Rosa!!!.

La mùsica[cancia | cancia la surgenti]

Comu dìssimu, lu gèniri è n'ammiscata ntra acid jazz, world music, rock, acoustic, ca crìunu lu "sbrong". L'accordi nun nèsciunu dû rapportu sèmplici DO-RE-MIm, arrèstunu assenzialmenti supra la prima nota, dùnunu accuddì cchiù spàzziu a lu raccordu ntra li strumenta (batteria, chitarra elèttrica, bassu, sassòfunu, pianola) e la vuci (sulu e coru).

Na parti funnamintali l'havi lu sassòfunu, ca jnchi l'àttimu d'attisa ca pripara a lu prelùdiu 'n MIm, cu lu sècutu di l'assolu di chitarra acustica.