Milocca (CL)
| Milocca | |
-Stemma.png) |
|
| Muttu: | |
| Nomu ufficiali: | Milena |
|---|---|
| Pruvincia: | Caltanissetta (CL) |
| Superfici: | 24 km² |
| Abbitanti: | 3.446 |
| Dinzitati: | 144 ab./km² |
| Cumuni cunfinanti: | Naduri, Comprancu, Grutti, Racarmutu (AG), Sutera |
| CAP: | 93010 |
| Prifissu telefònicu: | +0934 |
| Situ ufficiali: | {{{situufficiali}}} |
Milocca (o Milena n talianu e nta àutri parrati siciliani) è un cumuni di 3.446 abbitanti dâ pruvincia di Cartanisetta. Lu nomu è di orìgini àrabba, e penzica signìfica "pussidimentu" o "cirasa".
Ìndici |
[cancia] Li "robbi"
Furmatu di 14 robbi, fina a lu 1923, annu di l'autunumìa, na pocu di robbi facìvanu parti di Comprancu e lu chiossà di Sutera. Doppu ca si furmau comu paisi autònumu, canciau nomu: di Milocca passau a Littoria Nissena, poi arrè a Milocca e a l'ùrtimu Milena, n onuri di la sòggira di Vittoriu Emanueli III, c'avìa murutu nta stu mentri. D'un puntu di vista architittònicu, Milocca, o Milena, è cumposta di 14 robbi, na pocu luntani puru 3, 4 km di lu centru. Li robbi si chiàmanu cu li nomi di li famigghi ca ci stàvanu a lu nizziu o ca li funnaru (Robba Mantiuna, Robba Farcuna, Robba Cassìenti), di la nciuria (Robba Cartafanzi, Robba Maaru), o picchì è la robba chiù granni (Robba Ranni). Oji, na pocu di robbi si jicaru l'unu cu l'àutru, ma l'architittura tìpica di lu paisi si vidi ancora pricisa.
[cancia] Econumìa
Milocca è nu paisi prettamenti agrìculu, li campi vèninu cultivati pi la quasi tutalitati 90% a granu, e pi lu restu vigni, favi, pumadora.
La quasi tutalitati dâ pupulazzioni è cumposta di agricultura, lu sò rèdditu è un pruduttu direttu o ndirettu di l'agricultura.
C'è macari na pruduzzioni artiggianali nica dî dirivati dû ferru e dû lignu.
[cancia] Emigrazzioni
Nni l'anni 50/60, quannu lu paisi arrivau a cuntari chiossà di 5000 cristiani, lu travagghiu nun abbastava cchiù e ci fu emigrazzioni assà, e li genti parteru pi Asti e Aix-les-Bains, unni ancora ci sunnu grossi cumunità d'emigrati milucchisi. N'àutru puntu d'emigrazzioni fu Basilea. Nta l'anni nuvanta accumenza lu prucessu di giamillaggiu tra lu Cumuni di Milocca e lu Cumuni di Aix-les-Bains (Francia).
[cancia] Turismu
Nni lu paisi c'è l'Antiquarium "Arturo Petix", lu "Museu di la civiltà cuntadina". Na pocu di lu tirritoriu di la "Riserva di Monte Conca" cadi sutta Milocca.
[cancia] Gastrunumìa
Tìpicu di manciari sunnu li mbriulati, pasta di pani a sfogghia, cu la sugna, li zìnzuli, cipudda, tumazzu, aulivi e patati. Lu primu sàbbatu di austu c'è la Sagra di la mbriulata. Lu Santu Patruni è San Giseppi, e si fisteggia jornu 19 di marzu cu la "tavulata di li vicchiarìeddi".
