Mick Hucknall

Dâ Wikipedia, la nciclupidìa lìbbira.
Mick Hucknall a Brema nto 2003

Michael James Hucknall, canusciutu macari cumu Mick 'Red' Hucknall (Manchester, 8 di giugnu 1960), è nu cantanti britànnicu addivintatu famusu p' èssiri statu lu "frontman" di Simply Red.


Biugrafìa[cancia | cancia la surgenti]

Hucknall nascìu ntô St Mary's Hospital, a Manchester, di Reg, n' òminu anglicanu di Barrow-in-Furness, e Maureen, ca era pi na parti d'urìggini ebbrea.

La matri di Mick abbannunau la famigghia quannu iddu era ancora un picciriddu di 3 anni. Campàu pi picca tempu a Bredbury cu sò patri e appoi si traslucau a Denton, unni criscìu. Hucknall friquintau la "Audenshaw Grammar School for Boys".

Carrera musicali[cancia | cancia la surgenti]

Ntô giugnu 1976 Hucknall assistìu a l'esibbizzioni di Sex Pistols a lu Lesser Free Trade Hall di Manchester. Lu lanciu dâ sò carrera principiau a la fini di l'anni 70, quannu facìa parti dâ band Frantic Elevators.

Li Frantic Elevators rializzaru quattru sìnculi, cumpresa la virsioni di "Holding Back The Years", ca 'n sècutu avissi arriggistratu cu li Simply Red.

Essennu la vuci di li Simply Red, addivintau picciò lu frontman dû gruppu. La sò facci e li soi longhi capiddi rizzi chê rìcciuli e russi carattirìzzanu assai li cupirtini di l'àlbumi e li vidiu-clip dâ band. Hucknall è macari unu di li funnaturi e sustinituri ecunòmichi di l'etichetta reggae Blood and Fire e dê "simplyred.com".

Lu 16 di maggiu 2008 pubbricau lu primu album sulista, titulatu Tribute to Bobby.


Pulìtica e filantrupìa[cancia | cancia la surgenti]

Mick è attivu 'n pulìtica, comu cèlibbri sustinituri dô Labour Party, e è n'amicu strittu di l'ex Primu Ministru britànnicu Tony Blair.

Lu sò risintimentu pi l'ex Primu Ministru Margaret Thatcher è assai chiaru 'n tri canzuni di li Simply Red : She'll Have To Go nti l'album A New Flame, Your Mirror e Wonderland in Stars.

Sùbbitu doppu lu tsunami asiàticu dû 26 di dicèmmiru 2004, fici na pùbbrica dunazzioni a SOS Children e addumannau a li soi fan di cupiari lu sò asèmpiu e fari na dunazzioni.

Vita pirsunali[cancia | cancia la surgenti]

Duranti l' anni 80 e 90, Hucknall si guadagnau la fama di dongiuvanni. N'artìculu dû "Daily Mail" dissi nfatti ca iddu avìa avutu na rilazzioni cu Catherine Zeta-Jones, Helena Christensen e àutri mudelli, attrici e ballirini dô Regnu Unitu.

Ntô 2007 appi na figghia dâ sò cumpagna Gabriella Wesberry.


Discografìa[cancia | cancia la surgenti]

Sulista[cancia | cancia la surgenti]

Tribute to Bobby - 2008

Curiusitati[cancia | cancia la surgenti]

  • Mick è patruni di vigni ê pinnici di l'Etna ca prudùciunu lu vinu russu "Il Cantante" .
  • E' nu granni tifusu dû Manchester United.
  • Nzemi a Johnny Depp, John Malkovich e Sean Penn, è patruni di na parti dû bar-risturanti parigginu Man Ray.
  • Cantau la canzuna Gangsta's Paradise cô rapper Coolio ntâ nu prugramma televisivu ntô 1995.
  • Ntô sketch show Bo' Selecta! c'è na sò parudìa.
  • TVGoHome fici na sò parudìa nta nu mmagginàriu prugramma titulatu Mick Hucknall's Pink Pancakes, unni iddu munceva li sò "cosi" contr'a na supirfici quasi-trasparenti.
  • Fu òspiti ntô prugramma dô 6 di maggiu 2008 di Viva Radio2 e fici un duettu cu Fiorellu, accumpagnatu dô maestru Enricu Cremonesi.

Lijami di fora[cancia | cancia la surgenti]