Meli

Artìculu n vitrina
Dâ Wikipedia, la nciclupidìa lìbbira.

Siddu stati circannu lu scritturi omònimu, jiti ccà

Pani cû meli

Lu meli è na sustanza zucchirina elabburata di li lapi, di cunzistenza denza e viscusa e culuri variàbbili dû giarnu pàllidu a lu brunu russizzu, usatu comu alimentu o n farmacìa comu eccipienti e edurcuranti.

Cibu di li Dei[cancia | cancia la surgenti]

Ntâ mituluggìa cràssica lu meli veni nnicatu comu lu cibu di li dei, cuncessu ê murtali pi cunfurtàrili dê difficultati, dî duluri, dê provi dô vìviri di tutti li jorna.
Attraversu li diversi civirtati (aggizziani, babbilunisi, rumani e indù), lu meli tramannau macari li sò puteri midicinali: ogni meli purtau cu iddu nun sulu li carattirìstichi dû sò tirritoriu d’urìggini, ma macari li sò spicìfichi prupità curativi.

Tipi di meli e prupità[cancia | cancia la surgenti]

  • Acacia: magnìficu pi scanciàrilu cô zùccuru senza canciari lu gusto propiu dê vivanni. Tanticchia lassativu, è assai bonu contru li rritazzioni dâ gola.
  • Agrumi:apprizzatu pi ducificari lu the friddu e li sprimuti d’aranci, è nu tranquillanti ntê casi di nzonnia.
  • Castagnu: riccu di sali minirali, ferru 'n particulari, favurisci la circulazzioni dû sangu. E’ bonu comu ricustituenti e carma la tussi.
  • Corbezzulu: havi prupità diurètichi e è n'òttimu antisètticu.
  • Eucaliptu: pirfettu comu ducificanti ntê limunati, havi prupità barsàmichi ùtili pi cummàttiri riffriddaturi, brunchiti e raucèdini. Antisètticu dê vii dâ rispirazzioni.
  • Girasuli: cunzigghiatu comu antinivràrgicu, diurèticu e astringenti; afficaci ntê casi di malatìi nfruenzali pi la sò carattirìstica di frebbrìfugu.
  • Lupinedda: enirgèticu, favurisci l’attivitati fìsica.
  • Mulata d'abbeti: antisètticu dê vii rispiratorî, veni usatu 'n casu di brunchiti e faringiti.
  • Melata di metcalfa: havi granni prupità antibattèrichi e è n'òttimu antianèmicu, nnicatu pi li spurtivi.
  • Rododentru:è bonu pâ cura di brunchiti e pê spitittati.
  • Sudda: afficaci comu diurèticu.
  • Taràssacu: nnicatu pi l'artreti o pi cu hà affruntari sporzi ntensi.
  • Tigghiu: òttimu pi cummàttiri la nzonnia, nirvusismu e duluri di testa.
  • Trifogghiu: è bonu pî spurtivi.

Li rimedî di l'antichi[cancia | cancia la surgenti]

  • Latti e Meli:
    pâ rifriddatura, aiuta a carmari lu mali di gola e la tussi, favurisci lu sciugghimentu dû catarru. Pi la priparazzioni sciògghiri meli a piaciri ntô latti càudu.
    Oppuru, sulu pi l'adurti, sciògghiri nta na tazza di latti dèbbitu 50 gr. di meli di eucaliptu e juncìricci tanticchia di brandy o cognac.
  • Acqua e Meli:
    Pi disintussicari lu fìcatu sciògghiri na para di cucchiara di meli nta nu bicchieri d’acqua càuda prima di cuccàrisi. Aiuta macari a pigghiari sonnu.
    Pi diggiriri dopu manciari, nta menzu bicchieri d’acqua dèbbita sciògghiri nu cucchiarinu di meli a piaciri e juncìrici lu sucu di menzu limuni.
    Pi li gargarìsimi sciògghiri nta nu bicchieri d’acqua unu/dui cucchiara di meli a piaciri. E’ nu rimediu anticu contru l’abbassamentu dâ vuci e la raucètini.
Wikimedaglia
Wikimedaglia
Chista è na vuci nzirita nni l'artìculu n vitrina, zoè una dî mègghiu vuci criati dâ cumunità.
Fu arricanusciuta lu 19 di jinnaru 2012

S'hai traduciutu n'artìculu o hai criatu na vuci e riteni ca sia lu casu di fàrila canùsciri picchì è cumpreta n tuttu, signàlila. Naturalmenti, sunnu boni accittati suggirimenti e canciamenti chi mìgghiùranu lu travagghiu.

Signala na vuci          Archiviu         Talìa tutti l'articuli n vitrina