Martin Weinek

Dâ Wikipedia, la nciclupidìa lìbbira.
Martin Weinek (a manca) ccu Denise Zich e Kaspar Capparoni

Martin Weinek ('n sicilianu: Martinu Weinek), Leoben, 11 di giugnettu 1964), canusciutu chiù assai comu a l'Ispitturi Fritz Kunz ntâ seria tilivisiva Cummissariu Rex, è n'atturi e òminu di spittàculu tilivisivu, duppiaturi, enolugu, viticolturi austriacu. Si furmau cô Prufissuri Peter P. Jost (1983-1986) e s'additicau ô tiatru a partiri dû 1986 ntî alcuni pruduzzioni viennesi. Lu sò nicu primu rolu nta nu film è chiddu di l'ascinzorista ntâ pillìcula Nachsaison (Staggiuni vascia).

Ntô 1987 appi na parti nta l'òpira tiatrali Der Lechner Edi schaut ins Paradies di Jura Soyfer, sutt'â riggìa di Georg Mittendrein, ni l'àmbitu dû festival Ruhrfestspiele Recklinghausen e lu rolu di nu scapastrata ntô film Müllomania di Dieter Berner.

Tra lu 1988 e lu 1989, veni pigghiatu a lu Jura-Soyfer-Theater a Vienna e àutri ngaggi utteni 'n tiatri chiù nichi, travagghia macari comu riggista, diritturi artìsticu e pruduttori; appoi, ntô 1989, è ntâ sèrî tilivisiva austriaca Calafati Joe. Di lu 1990 ô 1991 è diritturi artìsticu di lu Hernalser Stadttheater a Vienna.

1999 arriva la sô popularità 'n Italia grazzî macari a la sèrî tilivisiva "Cummissariu Rex" di cu è atturi fissu.

Martin Weinek è appassiunatu di vinu e di viticultura: nfatti dô 1993 havi na sò pruduzzioni di viti ad Hagensdorf (na frazzioni 'n campagna ntô cumunu di Heiligenbrunn) ca iddu stissu cura nzemi a sò mugghieri Eva, macari idda attrici e drammaturga. L'azienna è fatta di na casa culònica vecchia ristrutturata e mudernizzata sutt'â direzzioni dâ signura Eva Weinek, la pruprietà di li Weinek è di quarchi tri èttari.

L' 8 di marzu 2008 è mudiraturi pi lu Genusse Burgenland dû 2008, prisenziannu li manifistazzioni sirali.

Sparti d'aviri travagghiatu ntô Cummissariu Rex austriacu, participau puru ntê novi edizzioni dâ RAI ntô 2007 e ntô 2008.

Fimografia[cancia | cancia la surgenti]


Liami di fora[cancia | cancia la surgenti]

(pi tudiscu)

Commons-logo.svg
Nta Commons s'attròvanu àutri mmàggini rilativi a Martin Weinek.