Mario Lupo

Dâ Wikipedia, la nciclupidìa lìbbira.

Mario Lupo (Bronti 19041986) fu nu chìmicu sicilianu, prufissuri di scienzi naturali, pubbricista e scritturi, omu pulìticu.

Lauriatu n chìmica a Bulogna nnô 1925 fu lu primu a parrari dî siti pitrulìfiri dû tirritoriu di Bronti, sviluppannu idèi e tiurìi ca avìanu a èssiri di sviluppu ecunòmicu e suciali.

Nnâ stati dû 1929 prilivau campiuni di gassi n cuntrata San Nicola e n cuntrata Giojittu e li spiriscia a l'Istitutu di Chìmica Nnustriali dû Pulitècnicu di Milanu pi n'anàlisi ca fapi accuminciari li primi trivillazzioni di l'AGIP nnô 1939. A Giojittu e Serravalli vennu truvati mpurtanti quantitati di gassi e pitroliu.

Fu lu primu pitroliu di Sicilia estrattu cû mètudi razziunali e fiurau nni tutti li mostri minirari dû tempu câ scritta <<Pitroliu di Giojittu (Bronti)>>.

Nnô 1947 ripigghia cchiù ditirminatu li sò studi supra ô metànu e ô pitroliu di Bronti e accumincia a divulgari e nnanzi tuttu a dari "na cuscienza pitrulìfira" â sò genti e a richiamari l'attinzioni dê granni cumpagnìi pitrulìfiri nnô tirritoriu.

Nnô cuminciari di l'anni 1950 attacca a mpignàrisi attivamenti nnâ pulìtica. Veni iliggiutu cunzigghieri cumunali na prima vota câ lista "Blocco del popolo", appoi comu nnipinnenti nnâ lista dû PCI e ancora câ lista "Rinascita", ca porta comu sìmmulu na trivella. Copri macari la càrrica di vici sìnnacu a Bronti dû 1956 ô 1962.

Liami Esterni[cancia | cancia la surgenti]