Bruxelles: Nti l'elizzioni europei ca si tìnniru ntê 28 paisi di l'UE, li partiti di l'euroscettici appiru nu certu successu.
Kiev: Nti l'elizzioni prisidinziali n Ucraina lu canninatu Petro Porochenko pigghiau lu 55,9% dê voti e vinni eliggiutu ô primu turnu. Ntô Donbass li milizziani siparatisti arrinisceru chê minazzi a nun fari tèniri l'elizzioni.
Tripoli: La situazzioni n Libbia addiventa critica. Lu cuvernu nun arrinesci a cuvirnari eggh'è cuntrullati di forzi di matrici riliggiusa. Li ex militari di Gheddafi, appuiati di forzi anti islamisti di l'uccidenti lìbbicu, cercanu nti sti jorna di pigghiari lu putiri câ forza. Si cuntanto nzinu a ora na uttantina di morti ntê cummattimenti ntê citati principali.
Slaviansk: Li ribbelli filu-russi arrinisceru a urganizzari nu referendum nti tuttu lu Donbass, chiamannu a vutari circa 7,2 miliuna di elittura. Nti sta cunsultazzioni urganizzata sutta lu cuntrollu di milizzi armati, senza arrispittari li standard dî vutazzioni dimucratichi, li si all'âutuditerminazzioni foru circa lu 90%.