Logucrazzìa

Dâ Wikipedia, la nciclupidìa lìbbira.
(Rinnirizzata di Logucrazzia)

Na Logucrazzìa è lu cuvernu rei palori.
Addirìva di lu grecu λόγος (logos) - "palora" e ri κράτος (kratos) - "cuvirnari". Lu termini po ssiri usàtu pusitivamenti, ironicamenti (ppi fari arrìrri) o nigativamenti.

Isempi storici[cancia | cancia la surgenti]

Li Stati Uniti di la Merica fuorru addiscritti comu na logucrazzia nta l'opira ri Washington Irving di lu 1807 ciamata Salmagundi.
Nu turista 'n visita "Mustapha Rub-a-dub Keli Khan" ironicamenti l'addiscrivi i raccussini ca sintissi a ddiri ca cu l'usu scaltru rei palori unu po' aviri putiri supra l'autri.
Mustapha addiscrivi comu:

"(...) sinza mancu ca sti pirsuni si n'addunanu, lu loru cuvernu jeni na pura LOGUCRAZZIA o "cuverni rei palori". L'intìra nazzioni faci ogni cosa chiei palori e nta sta manèra parissi a nazzioni cchiu militarizzata ca aisisti[...] Ogni misùra uffinziva o difinziva è misa 'n forza ri na "battagghia rei palori, e verra ri carti; chiddu ca avi a lincua cchiu lonca (...) avi cchiu pussibilitati ri vinciri (...)


L'Unioni Suvietica jèra addiscritta ri lu Premiu Nobel Czesław Miłosz comu na logucrazzìa. Pa isempiu ppi Christine D. Tomei, era na "fausa rialitati criata ri semprici palori".
Inoltri, ruoppu a rivoluzzioni Luciano Pellicani addiscrivi comu nu "pianu di riforma ro lincuaggiu" avia statu antruduciutu ri Kisselev: suttiliniannu comu "a veccia mintalitati nun s'avissi pututu canciari si a struttura râ a lincua russa nun avissi statu macàri trasfurmata e purificata."

Stu prucessu purtau a nu lincuacciu simili a chiddu suvieticu ca George Orwell strummintau e ciamau "neo-lincua", ca misi i bbasi pi lu so rumanzu "[1984 (libbru) |1984]]": Lu "Newspeak" ("Lincua nova" in angrisi ca s'apprununzia "niuspìcchi").
Lu novu lincuacciu era cchiu ssai n'ortuglossìa ca nu lincuacciu riali, nu dialettu stiriotipatu ca cunzistìa ri formuli e slogan sbacantàti ca avièunu comu obbiettivu chiddu ri nun fari pinzàri i gghienti fora ri li limiti ri lu pinzèru cullittivu zoè era na ciàccira ca addistruggìa l'individualitati.
Li Totalitarismi, sicunnu na tiòrica pulitica ciamata Hannah Arendt, ppô ssiri cunzidiratu na logucrazzìa picchi l'ideii nun sunu cchiu 'mpurtanti ma sulu comu s'asprìmunu.

Taliati macari[cancia | cancia la surgenti]