Libbia
Di Wikipedia, la nciclupidìa lìbbira.
Paisi di l'Africa dû Nord, la Libbia si affaccia ntô Mari Meditirraniu a Nord, unni si trovunu tutti li cità cchiù mpurtanti, tra cui la capitali Tripoli. La pupulazzioni dâ Libbia è di circa 5,5 miliuna di pirsuni, e la sò supirfici è di quasi dû miliuna di chilomitri quatrati, quasi tutti occupati dû desertu dû Sahara
Ìndici |
[cancia] Storia
La storia dâ Libbia cuminza cchê Fenici. Li greci e li romani l'occuparru e versu lu secunnu seculu d.C. la Libbia arrivò â massima mpurtanza ppî tempi. La cità di Leptis Magna è tistimoni ancora oggi di la mpurtanza chi ddu tirritoriu avia all'ebbica, ô puntu ca nu mpiraturi rumanu, Sittimiu Siveru, fu origginariu di ddà.
[cancia] Giugrafia
La Libbia s'affaccia ntô Mari Meditirraniu cintrali, a circa 400 chilomitri ô sud dâ Sicilia. A Est cunfina ccu l'Egittu, a ovest ccu la Tunisia e l'Algiria, ô sud ccû Ciad.
[cancia] Politica
La forma di cuviernu dâ Libbia è ufficialmenti socialista. Lu capu dû cuviernu, Muamar Gheddafi è puru lu leader dâ rivuluzzioni chî ntô 1969 lu purtò ô cuviernu. Gheddafi ha diriggiutu lu Paisi di manera assai cuntruversa. Di na manu la sò pulitica basata supra li principi dû libbru virdi ispiratu dî principi di l'egualitarismu socialista, fu tali chi ogni forma di fanatismu riliggiusu ha statu ripressa cu forza. Di l'autru latu la Libbia ha statu accusata di essiri na dittatura, ostili ê paisi dimucratichi, alliata dî tirruristi, ô puntu chi ntô 1986 fu oggettu di bummardamenti amiricani pi ritursioni contra n'attintatu a Birlinu attribbuitu ê libbici. La Libbia ha statu cunnannata a n'embargu ntirnazziunali di unni niscìu sulu all'inizziu dû XXI sèculu quannu Gheddafi pubblicamenti dichiarau la lotta ô tirrurismu ntirnazziunali e la nurmalizzazzioni dî rapporti ntirnazziunali chî paisi Europei e chê Stati Uniti.
[cancia] Ecunumia
L'ecunumia dâ Libbia si basa supra l'esportazzioni dû pitroliu e di sò dirivati, esportati sopratuttu n'Italia e n'Europa. N'oleodottu traversa lu mari chi lu sipara dâ Sicilia.
Lu turismu è puru n'attività ecunomica chi si sviluppa annu doppu annu. Leptis Magna è la distinazzioni cchiù mpurtanti ppê turisti, ma ancora sfruttata assai picca.
[cancia] Cità mpurtanti
| Paisi dû Munnu | Àfrica | |
| Africa dû Sud | Algirìa | Angola | Benin | Botsuana | Burchina Fasu | Burunni | Camerun | Capu Virdi | Ripubblica Centrafricana | Ciad | Comori | Concu | Costa d'Avoriu | Eggittu | Eritria | Etiopia | Gabun | Gambia | Gana | Gibbuti | Guinia | Guinia Ecuaturiali | Guinia Bissau | Kenya | Lesothu | Libberia | Libbia | Madagascar | Malaui | Mali | Maroccu | Mauritania | Maurizziu | Mozambicu | Namibbia | Niger | Nigeria | Riunioni | Ruanna | San Tome e Principi | Senegal | Seicelli | Serra Liuni | Somalia | Sudan | Swaziland | Tanzania | Togu | Tunisia | Uganna | Zambia | Zimbabbui | |
| Enclavi | |
| Ceuta (Spagna) | Melilla (Spagna) | |
| Territori ccû nu statu legali ndifinitu | |
| Sahara Uccidintali | |
