Lioluca Orlando

Dâ Wikipedia, la nciclupidìa lìbbira.
(Rinnirizzata di Leuluca Orlando)
Liuluca Orlando
[[File:
Leoluca Orlando, 2019 a
|100px|]]


Sinnacu i Palermu
Durata mannatu 16 Giugnettu 1985 –
14 Aùstu 1990
Pridicissuri Gianfranco Vitocolonna
Succissuri Ruminicu Lo Vasco

Durata mannatu 3 Dìcemmiru 1993 –
16 Dìcemmiru 2000
Pridicissuri Vittorio Piraneo
Succissuri Guglielmo Serio

Durata mannatu 22 Maiu 2012 –
20 Giugnu 2022
Pridicissuri Luisa Latella
Succissuri Roberto Lagalla

Leuluca Ollando (a l'anagrafi Leoluca Orlando) (Palermu, 11 di austu 1947) è n'omu pulìticu sicilianu.

Lauriatu n Jurisprudenza, avvucatu e ducenti a l'Universitati di Palermu. Fici li sò studi a Heidelberg (Girmania) e ntâ Nghirterra.

Cunzigghieri jurìdicu dû Prisidenti dâ Riggiuni Siciliana Piersanti Mattarella1978 ô 1980, ha statu cunzigghieri cumunali di Palermu1980 ô 1993, ntî squatri dâ Dimucrazzìa Cristiana, unni veni a scuntràrisi cu li capi. Addivinìu sìnnucu di Palermu dû 1985 ô 1990, diriggennu na cualizzioni diciuta "esaculuri". Eliggiutu cunzigghieri cumunali ntô 1990 cu chiossai di 70.000 prifirenzi, l'annu appressu lassa jiri la DC prumuvennu la nasciuta di La Riti-Muvimentu pâ Dimucrazzìa.

Addijutu nti l'Assimbrea Riggiunali Siciliana ntô 1991 (d'unni si nni nesci lu stissu annu) e ntâ Càmmira dê Diputati ntô 1992 cû sò muvimentu.

Ntô 1993, cô primu giru di elizzioni diretta, torna a èssiri sìnnucu di Palermu cu chiossai dû 75% dê prifirenzi. Vinni cunfirmatu dû novu comu sìnnucu ntô 1997. Lu pirìudu dâ sò sinnacatura, puru ammenzu a dicisioni diffìcili, veni di assai genti arricurdatu comu la "Rinasciuta di Palermu", macari pô mpurtanti travagghiu di prumuzzioni e ricùpiru dâ mmàggini dâ cità nti l'Italia e ntô munnu, ca avìa nisciuta assai allurduta dâ lonca seria di straggi e crìmini mafiusi1993.

1994 ô 1999 fu diputatu ô Parlamentu Eurupeu. Porta lu sò muvimentu a tràsiri nta Li Dimucràtici di Rumanu Prodi e quinni nti La Margherita.

Ntô 1996 vinni accusatu e innacatu pi curruzzioni aggravata ntê sò funzioni di sìnnucu di Palermu. Lu pintutu Tulliu Cannella furnìu nu scinariu nquitanti dicennu ca ntô 1986 lu Cumuni di Palermu, doppu na tangenti di 200 miliuna di liri, s'accattau li appartamenti nu certu Giuseppi Bonanno, nu pristanomu di Gaspari Finocchio (mprinnituri) ca era ntricatu ccâ mafia. Distinatari dâ tangenti, secunnu lu pintutu, èranu lu sìnnucu Lioluca Orlando e l'assissuri Vicenzu Inzerillo, ca a l'èbbica dê fatti ncarziratu già di 16 misi pi mafia.

Si nni niscìu dû rolu di sìnnucu ntô dicèmmiru2000 pi cuncùrriri, comu candidatu dû centru-manca â prisidenza dâ Riggiuni Sicilia, a l'elizzioni riggiunali dû giugnu 2001, unni vinni scunfiggiutu (cu 36,6% contru lu 59,1%) di Totò Cuffaru, cugghiennu cumunqui nu bonu nùmmiru di prifirenzi diretti. Turnau a l'Assimbrea Riggiunali Siciliana2001 ô 2006.

Pi uccasioni di l'elizzioni primari di l'Unioni, ntô 2005, pi dicìdiri lu candidatu prisidenti dâ riggiuni pê riggiunali dô 2006 si metti a favuri di Rita Bursillinu, sciarriànnusi chê pusizzioni ufficiali di La Margherita ca sustinìanu a Firdinannu Latteri. Jittatu fora dû partitu s'avvicina a Italia dê Valuri di Antonio Di Pietro, cu chistu capulista nti diversi circuscrizzioni torna â Càmmira dê Diputati.

Ntô maju 2006 annunzia la sò ntinzioni di purtari la sò candidatura ê primari di l'Unioni pâ scigghiuta dû candidatu sìnnucu di Palermu, ca si svurgeru lu 4 di frivaru 2007, unni arrisurtau lu primu di l'eliggiuti cu 71,92% dê prifirenzi, distanziannu di assai li diretti rivali Alissantra Siragusa (20,13%) e Giustu Catania (7,92%).

Sustinituri dû Partitu Dimucràticu, s'hà mpignatu sempri contru la mafia, nzèmmula a àutri battagghi civili (comu chidda contru la pena di morti). Nun ammàncanu magari chiddi ca l'hannu criticatu, primu ntra tutti lu scritturi Liunardu Sciascia, ca spissu lu accùsanu di mittiri 'n capu a tinnenzi justizzialisti.

Hà statu prisidenti dû Stitutu pâ Rinasciuta di Palermu.