Lercara (PA)
| Lercàra | |
 |
|
| Muttu: | |
| Nomu ufficiali: | Lercara Friddi |
|---|---|
| Pruvincia: | Palermu (PA) |
| Superfici: | 37,27 km² |
| Abbitanti: | 7.386 |
| Dinzitati: | 200 ab./km² |
| Cumuni cunfinanti: | Castrunovu, Prizzi, Roccapalumma, Vicari |
| CAP: | 90025 |
| Prifissu telefònicu: | +091 |
| Situ ufficiali: | www.comune.lercarafriddi.pa.it |
Lercàra è nu paisi ca s'attrova a 67 chilòmitri di Palermu a 660 metri supra lu liveddu dû mari. L'attuali sìnnacu si chiama Gaetano Licata. N Lercara cc'èranu li mineri di sùrfaru e quannu chiueru, nta l'anni cinquanta, li surfarari cchiù picciotti emigraru a lu Bergiu pi travagghiari nta li mineri di carvuni. Lu paisi, ca tannu facìa quinnicimila abbitanti, si spupulò e accamora cci stannu settimila abbitanti. N Lercara si pò vidiri na bedda villa n stili ngrisi c'appartinìa a na famigghia di prupritari di surfari, li Gardner Rose. Sta custruzzioni ha statu accattata di lu cumuni e arricupirata cu travagghi di ristauru, di fora si vidi ancora quantu era bedda sta villa e comu a sti ngrisi-miricani di l'Ottucentu circàvanu di vìviri comu a paisi d'iddi. La chiazza principali di Lercara, unni si pò ammirari la Chiesa Matrici, fu arreri ammadunata comu un tempu, cu granni balati di marmu jancu e è assai bedda a vidìrisi, essennu addumata di tanti lampiuna quannu accuminza a scurari.
