Lapa (menzu di trasportu)
Di Wikipedia, la nciclupidìa lìbbira.
La lapa è nu menzu di trasportu a tri roti furmatu di na cabbina unni ci stapi lu cunnicenti, e eventuarmenti n'atra pirsuna, e di nu cassuni chi pò cuntèniri nzinu a quarchi quintali di robba. Usata di na cinquantina d'anni comu menzu di trasportu còmutu e rilativamenti ràpidu 'n sustituzzioni dî cavaddi, muli ô scecchi usati 'n agricultura, pigghia lu nomu di l'italianu Ape, nu modellu dâ Piaggiu, chi pi prima misi 'n cummerciu a granni scala stu tipu di menzi di locomozzioni.
Esisti na virsioni lèggia, chiamata puru lapuzza chi avi nu muturi di 50 cc e è usata pi lu trasportu dû pani, pizza, ecc. La virsioni pi li travagghi di campagna, è di cilindrata e di capacità cchiù rossa.
