La Cubba

Dâ Wikipedia, la nciclupidìa lìbbira.

La Cubba è nu palazzu di Palermu costruitu 'n èbbica nurmanna sutta lu cuvernu di Gugghiermu II ntô 1180. Faciva parti di nu parcu chinu di viggitazzioni e lachi artificiali, chi ci dava n'aria di paradisu. Cèlibbri già 'n èbbica mediuevali ô puntu chi ntô Decamiruni di Boccacciu n'episodiu è ambientatu appuntu ntâ Cubba, lu palazzu pi la sò forma curiusamenti cùbbica, e pi li sò particulari comu li Muqarnas chi sunnu ancora òi visìbbili, fu cunzidiratu pi loncu tempu d'èbbica àrabba, nzinu a quannu Micheli Amari arriniscìu a decifrari li caràttiri àrabbi unni fiurava la sò data di costruzzioni.

Muquarnas dintra la Cubba

Lu palazzu, chi nzinu a mità dû vintèsimu sèculu fu usatu comu caserma e pirciò nun visitàbbili, è òi visitàbbili dî turisti, e si prisenta nti nu statu precariu. Lu tettu manca e dintra lu palazzu crìsciunu erbi e àrburi. Li ristàuri privisti già di na dicina d'anni nun pòttinu accuminzari pi mancanza di sòrdi.

Bibbliografìa[cancia | cancia la surgenti]

  • Micheli Amari, Storia dei musulmani di Sicilia, Catania, R. Prampolini,. 1933-9, 3 voll 'n 5 vuluma.
  • A. Aziz, A History of Islamic Sicily, Edinburgh, 1975.
  • F. Gabrieli - U. Scerrato, Gli Arabi in Italia, Milano, Scheiwiller, 1979.
  • A. De Simone, "Palermo nei geografi e viaggiatori arabi del Medioevo", 'n: Studi Magrebini, II (1968), pp. 129-189.

Liami esterni[cancia | cancia la surgenti]

Wikimedaglia
Chista è na vuci nzirita nni l'artìculi n vitrina, veni a diri ca è una dî mègghiu vuci criati dâ cumunità.
Fu ricanusciuta nnô 2007

S'hai traduciutu n'artìculu o hai criatu na vuci e riteni ca sia lu casu di fàrila canùsciri picchì è cumpreta n tuttu, signàlila. Naturalmenti, sunnu boni accittati suggirimenti e canciamenti chi mìgghiùranu lu travagghiu.

Signala na vuci          Archiviu         Vidi tutti l'artìculi n vitrina