John Nash

Dâ Wikipedia, la nciclupidìa lìbbira.
John Nash

John Nash (natu lu 13 di Giugnu di lu 1928) eni nu matimaticu statunitenzi ca travagghia nta tiuria rei joca e nta giumitrìa diffirinziali.
Nta lu 1994 si spartìu lu Premiu Nobel di l'Icunomia cu autri rui tiòrici rei joca, Reinhard Selten e John Harsanyi.
Duoppu ca bincìu na viertula ri studiu Westinghouse, friquintau l'Istitutu ri Ticnoluggìa ri Carnegie unni arricivìu a laurìa e lu so cirtificatu ri mastrìa nta lu 1948.
Ri duocu s'inniu all'Univirsitati ri Princeton unni pirfizziunau a so tiurìa ri l'iquilibbriu.
Arriciviu nu Dutturatu in Filusufìa nta lu 1950 cu n'analisi rei joca nun-coopirativi.
A tesi, ca fu priparata sutta a supirvisioni ri Albert W. Tucker, cuntintìa a difinizzioni e li prupritati ri chiddu ca ruoppu avissi ciamatu Iquilibbriu ri Nash.
Li sô 'ntiressi supra st'argumentu o purtarrru a tri artìculi:

  • "Punti r'Iquilibbriu nta joca cu N-pirsuni", (1950);
  • "Lu Prubblema di l'Affari" (Aprili 1950), e
  • "Joca Coopirativi cu rui pirsuni" (Jinnaru 1953).

John Nash fici macàri 'mpurtanti travagghi supra li varitati giumètrichi (strutturi spazziali cumpricati):

  • "Varitati algebbrichi riali", (1952).

Stu travagghiu purtau a lu Tiurèma cuinvurgenti ri Nash.."Rui varitati algebbrichi riali sunu iquivalenti se e sulu se sunu analiticamenti omeomorfichi." Jèni canusciutu nta a cultura pupulari ppi ssiri lu suggèttu ri nu firmi ri Hollywood A Beautiful Mind, ca parra ra sô bioggrafìa e li prubblèmi ca ciappi ca so saluti.

Taliati macàri[cancia | cancia la surgenti]