Jinnaru 2010

Munnu

31 di jinnaru

• Sydney: Roger Federer ccâ sò vittoria ô Australian Open di tennis agghicau ô record di 16 vittori nti turnei di Granni Slam.

---

Na viduta di Davos ntô vernu.

27 di jinnaru

• Davos: Si grapi n Svìzzira lu World Economic Forum.

---

25 di jinnaru

• Bagdad: Ali Hassan al-Majid canusciutu comu Alì lu chimicu, rispunsabbili di na straggi di diversi migghiara di kurdi bummiati cu armi chimichi all'èbbica di Saddam Hussein fu cunnannatu a morti e mpiccatu.

---

14 di jinnaru

• Haiti: Nu tirrimotu di magnitùdini 7 s'abbattìu nti l'isula dî Caraibbi, facennu cchiossai di 200'000 morti.

---

Italia

24 di jinnaru

• Sport: Li squatri di palluni dû Catania e dû Palermu vinceru tutti e dui 3-0 sta simana. Lu Palermu si purtau ô quintu postu, passannu puru la Juventus ntâ classifica dâ Seri A. Lu Catania doppu lu canciu di allinaturi nun arrinisciu ancora a nesciri dâ zona ritrocissioni.

---

23 di jinnaru

• Favara (AG): Na palazzina cadiu n terra. Du' soru, ancora picciutteddi ristaru ammazzati.

---

9 di jinnaru

• Rosarnu: N sèquitu ê spari chi causaru lu firimentu di du' extracumunitari, e la rivorta di la cumunità di travagghiatura extracumunitari, la situazzioni ^s'accalmau tanticchedda, grazzi puru ô ntirventu di l'autorità e ô fattu ca diversi extracumunitari dicideru di trasfiririsi a àutri banni.

---