Iulia Timoschenko
Iulia Timoshenko (n ucrainu Юлія Володимирівна Тимошенко, Dmipropetrovsk, 27 di nuvèmmiru 1960), è n'econumista, mprinnitrici e pulìtica ucraina. Si lauriau n economia ntô 1984. Doppu la fini di l' Unioni Sovietica ncuminciau a custruiri nu mperu ecunomicu grazzi a l'unna di privatizzazzioni attuati duranti l'anni '90 dû XX sèculu.
[cancia] La carrera pulitica
Eliggiuta ntô parlamentu la prima vota ntô 1996, fu pi diversi anni alliata cu Viktor Yuschenko, a cui cci sustiniu puru la campagna elettorali contra Viktor Yanucovich (filurussu) a l'elizzioni dô 2004. Macari idda ntâ Rivoluzzioni Aranciuni fra li leader scinnuti n chiazza contra li brogghi eletturali, vinni numinata primu ministru nzinu ô nuvèmmiru dô 2005. Doppu n'annu di prubbremi fu rinuminata prèmier.
.jpg)
Ntô 2010 participàu all'elizzioni pi la prisidenza dâ Ripùbbrica di l'Ucraina. Passau lu primu turnu, ma vinni battuta cu nu scartu minimu ô balluttaggiu di Viktor Ianukovich, candidatu filu-russu. L'elizzioni fu giudicata giusta di l'ussirvatura forasteri. La scunfitta dâ Timoschenko, cu chidda dû prisidenti niscenti, Yuschenko, sinna puru la fini dâ Rivoluzzioni Aranciuni.
