Ipòtisi di Riemann

L' ipòtisi di Riemann è nu cèlibbri prubblema matimaticu ancora senza suluzzioni. Lu prubblema tratta di la funzioni zeta di Riemann, difinuta comu $\zeta(s)=\sum_{k=1}^\infty\frac1{k^s}$

Sta funzioni, ca n principiu è difinuta sulu quannu la parti riali (innicata cu la funzioni $\textrm{Re}$) dâ variabbili cumplessa s è cchiù granni di 1, si po pruluncari di manera meromorfa nti tuttu lu pianu cumplessu.

L'ipotisi di Riemann dici ca li sulu suluzzioni di l'equazzioni $\zeta(s)=0$ pi $0<\textrm{Re}(s)<1$ s'attrovanu ntâ linia $\textrm{Re}(s)=\frac12$. Lu prubblema fu prupunutu dû matimaticu tidescu Bernhard Riemann. Esisti puru na forma giniralizzata di l'ipotisi di Riemann.