I Vespri Siciliani

I Vespri siciliani è n'òpira di Giuseppi Verdi, cu testu 'n francisi. Fu rapprisintata pi la prima vota a Pariggi ntô 1855. E' ispirata ê moti siciliani dû 1282 canusciuti appuntu cû nomu di vespri siciliani. All'èbbica la trama fu cinsurata 'n Italia, pirchì si ritiniva chi la lutta dû pòpulu sicilianu contra li francisi putissi èssiri cumparata â lutta dû pòpulu italianu pâ nnipinnenza, nti n'Italia chi nun era ancora unificata.