Giarri

Dâ Wikipedia, la nciclupidìa lìbbira.
(Rinnirizzata di Giarri (CT))
Giarri
Giarre-Stemma1.png
Dittagghi: Stemma di Giarri
Muttu: "Abundantia in turribus tuis"
(L'abbundanza n'te to turri)
Nomu ufficiali: Giarre
Pruvincia: Catania
Superfici: 27 km²
Abbitanti: 26.402
Dinzitati: 978 ab./km²
Cumuni cunfinanti: Aciriali, Màscali, Milu, Ripostu, Sant'Arfiu, Santa Vinirina, Zafarana Etnea
CAP: 95014
Prifissu telefònicu: +095

Giarri (o I Giarri ntâ parrata lucali) è un cumuni di 26.402 abbitanti dâ pruvincia di Catania. Lu sò nomu dimustra la prisenza di n'anticu malazzeni di giarri distinati ô cummerciu dû vinu, di l'ogghiu, etc.

Nutizii stòrichi[cancia | cancia la surgenti]

Kallipolis[cancia | cancia la surgenti]

Secunnu l'ùrtimi studi, c'acchiànanu ô 1970 circa, È pussíbbili ca l'antica citati di Kallipolis (zoè "citati bedda" 'n grecu), s'attruvassi sutta la zona c'attuarmenti ricopri lu cumuni sicilianu di Giarri, cchiù esattamenti la frazzioni dâ Macchia.

Storia muterna[cancia | cancia la surgenti]

Lu Domu di Giarri

La storia di Giarri (o dî "Giarri") è relativamenti ricenti. Lu primu centru urbanu risali ô sèculu XVI quannu li vìscuvi di Catania, patruni di l'antica Cuntea di Màscali, dèsiru li tirreni in "enfiteusi" a ricchi jacitani e missinisi. Ntô 1815, lu Parramentu Sicilianu cuncidíu ê Giarri l'autonumìa amministrativa e la nova citati cù li so frazzioni si spartíu di Màscali. 'Ntô 1841 u Ripostu ad·divintàu cumuni, ma duranti lu perìudu fascista, li dui citati fôru junciuti ppi sei anni sutta lu nomu di Jonia (1939-1945).

Frazzioni[cancia | cancia la surgenti]

A lu cumuni di oggi appartèninu li quarteri di: San Giuanni, Macchia, Trippunti, Strata, San Liunardeddu, Atareddu, Sciara, Miscareddu e parti di li paisi dâ Carrubba e di Tagghiaùrza.