Furìu

Dâ Wikipedia, la nciclupidìa lìbbira.
Furìu
File:Stemma Forìo.PNG
Muttu: M' fuss' campet','ca stuort', cumm' er' pur aviss' arrimiriet' *
Nomu ufficiali: Forìo
Pruvincia: Nàpuli (NA)
Superfici: 12 km²
Abbitanti: 14.554
Dinzitati: 1211 ab./km²
Cumuni cunfinanti: Casamicciola Terme, Lacco Ameno, Serrara Fontana
CAP: 80075 (capoluogo), 80070 (Panza)
Prifissu telefònicu: 081
Situ ufficiali: {{{situufficiali}}}

Furìu (canusciutu, sbagghiannu, macari cû nomu di Forio d'Ischia) è nu cumuni ca fa quasi 15 mila abbitanti e apparteni â Pruvincia di Nàpuli. E' lu cchiù granni di l'Isula di Ischia.

Forio ntê sèculi fu tanti voti assaiatu dê Saracini, ca làssanu tracci mpurtanti dû sò passaggiu ntê munumenti lucali. Nta l'anni cinquanta tanti artisti di tuttu lu munnu s'arriunìanu nta stu Cumuni, nnammurati dâ biddizza dû postu e dâ curdialità di l'abbitanti. Riva ô mari s'attròvanu ancora diversi turri di viditta e difisa; la cchiù famusa è ditta Il Torrione.

File:Torrione.jpg
Il Torrione

Lu centru stòricu havi nu fàscinu spiciali pê soi palazzi nubbiliari, li carattirìstichi vaneddi, l' "ateliers" dê pittura lucali, li minuti putìi artiggiani di ciràmica, li chiesi chini di storia e di arti. Bedda assai è la famusa Chiesetta del Soccorso, ca s'attrova 'n funnu a na splènnida chiazzetta, Piazzetta del Soccorso, havi picca ca l'arristruttùranu cu l'occasioni dâ vìsita dû Papa Giuvanni Paulu II ô 5 Maiu 2002

File:Chiesa-soccorso.jpg
Chiesetta del Soccorso

Doppu si pò ammirari macari nu granni centru cummirciali tìpicu di nu pristiggiusu locu di villiggiatura.

Àutri lochi ntirissanti, suprattuttu dô puntu di vista dû turismu, sù li tanti spiaggi, ammenz'ê quali la spiaggia di S.Francesco di Paola e la spiaggia dâ Chiaia; Citara cû famusu jardinu tirmali Poseidon e, ntâ frazzioni di Panza, la baia di Sorgeto cu vaschi naturali di acqua càuda ntô mari, ammenz'ê scogghi vurcànici. Di ntiressi spiciali sù li Jardina La Mortella, ca nun si n'attròvanu li stissi ntô munnu e ca cu passa quarchi jornu supra l'ìsula hà a visitari pi forza.


*Ah, avissi campatu! Macari tintu, ma di pizzu o di chiattu m'avissi datu versu.