Francu Trincali

Dâ Wikipedia, la nciclupidìa lìbbira.

Francu Trincali (o Franco Trincale n talianu) è un cantastori sicilianu di Militeddu (CT).

Biografìa[cancia | cancia la surgenti]

Natu ntô 1935, Francu Trincali travagghiau na picca comu garzuni ntôn nigozziu di varveri (duranti li studi), ma nun ci piacìa.

Accuminzau a fari lu misteri di cantastori, ntâ Sicilia, n'anticchia pi passioni, e na picca p'esiggenza. Quannu, a 21 anni, lassau la Marina pi stari câ sò mugghieri, s'avìa a mantèniri. Era affascinatu dî cantastorie, e l'idìa di sunari e cantari pî strati ci piacìa e sapìa sunari bonu câ chitarra, allura accuminzau a esibbìrisi ntê chiazzi siciliani.

'N sèquitu, â fini di l'anni sissanta, cuntìnua la sò attivitati a Milanu unni s'avìa trasfirutu 'n cerca di furtuna.

Chianu chianu, lu cantastori Francu Trincali vinni sempri cchiù puliticizzànnusi nzinu a garantìricci na certa pupularitati comu auturi (e cantanti) di canzuni pulìtichi di bonu successu.

Francu Trincali havi rapprisintatu un finòminu nzòlitu ntô panurama dâ canzuna pulìtica.

Lu 1 di maiu di 2005, Francu Trincali annunzau lu sò ritiru difinitivu dâ chiazza fìsica, pirchì li mèdici ca cùranu a iddi, dìcinu, ca la càrrica ccizziunali e la forza ca arrinesci a aviri quannu canta li sò ballati, sùpiranu zoccu poti suppurtari lu sò fìsicu.

Premi[cancia | cancia la surgenti]

Lu cantastori vincìu pi tri voti lu Festival dei cantastorie di Piacenza.

Lu sò spittàculi[cancia | cancia la surgenti]

Leggi vari cutidiani a lu jornu e siddu ci sunnu nutizzi ntirissanti ci scrivi supra na canzuna e pripara un "cartilluni" (o "cartidduni") ca cunta zoccu passau, propiu comu facìanu li sò culleghi di tannu. Accussì nàscinu li sò spittàculi (unni iddu esponi sempri li "cartilluna" (o "cartidduna") culurati, ch'iddu stissu pinta (è puru pinturi).

Discugrafìa[cancia | cancia la surgenti]

  • A chiazza fa scola (2000). Li canzuni 'n sicilianu: 'N Sicilia si campa cchiù assai, Ti lu scurdasti, Droga e campiuni, Lu giudici suicida, Paisi miu, Matri a sissant'anni, 'A lotteria e 'u gratta e vinci, e 'A ficudinnia.

Liami nterni[cancia | cancia la surgenti]

Liami sterni[cancia | cancia la surgenti]