Miccànica quantìstica

Dâ Wikipedia, la nciclupidìa lìbbira.
(Rinnirizzata di Fisica quantistica)

La miccànica quantìstica è dda scienza ca studìa li parti cchiù nichi dâ matèria e comu chisti si mòvunu. Lu nomi viene dâ lingua latina, infatti nta la miccànica quantìstica tuttu si movi a pacchiteddi ( quantum in latinu). Nta l' àtumi l' elettroni nun ponnu pigghiari tutti li energii ma sulu na picca, l'energìa di n'onda di luci è murtipla di hν (unni h è la costanti di Planck e ν è la friquenza). Nta la miccànica quantìstica tuttu si discrivi comu n' onda. La pusizzioni, pi fari n' esempiu, è data dî valori ca l'onda di prubbabbilità, chi la miccanica quantistica ci duna, avi unni nuàutri vulemu a misurari. Sta manera di taliari lu munnu fici canciari tutta la fìsica e eppi n' enormi effettu puru nta la filosufia e macari nta l'arti. L'equazzioni d'unni cui parti la miccanica quantistica è l'equazzioni di Schrödinger ca è fatta accussì ( pi na diminsiuni)

i\hbar\frac{\partial\psi(x,t)}{\partial t}=\frac{-\hbar^2}{2 m}\frac{\partial^2\psi(x,t)}{\partial x^2}+V(x)\psi(x,t)

Nta sta equazzioni la quantità |\psi(x,t)|^2 dâ prubbabbilità di truvari a lu tempu t, la particedda nta la posizzioni x. Nta sta equazzioni lu V(x) rapprisenta lu potenziali (ca pò èssiri qualegghiè) a cui la particedda senti e \hbar è la costanti di Planck divisa pi 2\pi. Da sta equazzioni diriva tutta la quantizzazioni di li energii di li atomi e lu principiu di inditerminazioni di Heisenberg

\Delta x\Delta p\geq\hbar

Stu principiu dici ca è nun si pò misurari nzemmula la posizzioni e la quantità di motu (p=mv).

Nta la miccanica quantistica è, ô cuntrariu dâ miccanica clàssica, impossibili misurari cu la pricisioni ca si voli di posizzioni e di velocità di na particedda e chistu mpedisci di stabbiliri ca la precisioni ca si voli l'evoluzzioni di nu sistema fìsicu (comu si cridìa ca si putissi fari prima di Heisengerg) ma si pò sapiri sulu li sò probbabbilità di aviri certi configurazzioni. Chistu voli diri ca la prima vota chi misuramu na grannizza di nu sistema fisicu avemu nu valori, la secunna vota ca la misuramu ni putemu aviri n'autru valori e accussì via. Lu valori ca putemu aviri da na misura poti èssiri sulu unu ntra certi valori ca li conti dâ Miccànica quantìstica nni dicunu e ca nta la tiuria si chiamanu autovalori (si misuramu enirgia li chiamamu, pi esempiu, autoenirgii). Si facemu assai misuri di sta grannizza fisica pi nu sistema ca ogni vota parti ntâ stissa manera (ca avi li stissi cunnizzioni niziali) la percentuali di misuri ca avemu pi ogni autovalori possibili pi idda è uguali â probbabbilità. Accussì videmu ca na grannizza fisica non avi nu sulu valori possibili comu na miccanica clàssica ma ni avi chiossai e nun picchì nuàutri sbagghiamu a misurari picchì chistu è nu probblema di principiu e nun di errori spirimintali.

Na cosa ca è ancora chiù strana pi nuàutri ca vivemu nta nu munnu clàssicu è ca (comu nni dissi Feynmann) nu sistema avi tutti li storii possibili comu si dici. Chistu voli diri chi, pi fari n' esempiu, na particedda pi jiri da lu punto A nzinu lu puntu B passa di tutti li possibili traietturii con na certa probbabbilità (pi chistu la putemu vidiri quasi unnegghiè). Â fini di cunti quannu arriva a B putemu diri ca passau pi la traietturia chiù probbabbili chi, pi la maggiori parti di casi, è comu chidda clàssica ma siccomu passa di tutti li traietturi tutti chisti traietturi fannu sèntiri la sò prisenza (intirfirenza) e nta chiddu ca videmu ponnu mmattiri cosi strani comu la diffrazioni ca nni pò fari vidiri la particedda unni la miccanica clàssica dici ca mun ci avi a jèssiri nenti.

Pi chistu arcuni fisici dicunu ca vivemu nta nu murtiversu unni succedi tuttu lu possibili e nuàutri videmu ogni vota sulu na possibilità (autovalori) e scigghiemu accussì na storia (la nostra storia, di lu nostru universu).

Chista manera di vidiri a tiuria si chiama interpretazioni a multi mondi (multiversu).

Fìsica
Acùstica | Astrofìsica | Elettrumagnetismu | Fìsica nucliari | Fìsica dî particeddi | Miccànica (fìsica) | Miccànica quantìstica | Òttica | Tiurìa dâ rilativitati | Termudinàmica