Firdinannu Latteri

Dâ Wikipedia, la nciclupidìa lìbbira.

Firdinannu Latteri (oppuru, 'n lingua taliana, Ferdinando Latteri) (Palermu, 11 di maiu 1945) è n'omu pulìticu e nu dutturi sicilianu.

Ntô 1968 si lauriau 'n midicina e chirurgìa cû màssimu dê valutazzioni, lodi e vasu accadèmicu, mentri ntô 1973 si spicializzau 'n chirurgìa ginirali. Ntô 1975 nzignau Traumatoluggìa dâ strata, ntâ Facurtà di Midicina di l'Universitati di Catania, unni addivinìu prufissuri assuciatu ntô 1982, ducenti urdinariu ntô 1985 e ritturi magnìficu dû 2000 ô 2006.

1983 ô 1993 fu prisidenti dâ Cruci Russa di Catania e ntâ stissa urganizzazzioni pigghiau la midagghia d'oru pi binimirenza. Ntô 1987 si candidau pâ prima vota â Càmmira dê Diputati cu la Dimucrazzìa Cristiana e vinni eliggiutu; cunfirmatu macari ntô 1992, hà statu cumpunenti dê cummissioni Cultura e Sanità dâ Càmmira. Doppu lu sciugghimentu dû Scutu Cruciatu, ntô 1994 pruvau di pigghiari lu mannatu cu lu Partitu Pupulari Talianu, ma persi pi picca prifirenzi.

Auturi di 303 pubbricazzioni scintìfichi e di 5 munugrafìi scintìfichi è prisidenti dû cumitatu riggiunali dû curdinamentu di l'univirsitati siciliani. Doppu avìrisi avvicinatu a Forza Italia, ntô 2004 si candidau ê elizzioni eurupei câ Margherita, ma nun vinni eliggiutu nunustanti avìa pigghiatu cchiù assai di 100.000 prifirenzi. Ntô 2005 vinni scigghiutu dâ Margherita comu candidatu â prisidenza dâ Riggiuni Sicilia. Ntê primarìi, ca si svurgeru lu 4 di dicèmmiru, vinni scunfiggiutu di Rita Borsellinu.

Ô finiri di l'elizzioni pulìtichi dû 2006 vinni eliggiutu diputatu pi la lista di lu Ulivo.