Filippu di Mahdia

Filippu di Mahdia fu l'ammiragghiu ca succidìu agghiri lu 1151 o 1152 a Giorgiu di Antiochia ô cumannu dâ flotta siciliana di Ruggeru II. Fu ncarricatu di cunquistari la citati di Bona, nti l'attuali costa algirina ô cunfini cu la Tunisìa. S'arricampò n Palermu arripurtannu nu successu granni, ma secunnu certi fonti, fu n sèquitu accusatu di èssiri addivintatu mussurmanu, e cunnannatu a morti, fattu ca è òi misu n dubbiu di certi studiusi di storia.

A iddu ci successi Maiuni di Bari.