Facemu cuntu ca fu lignu e s'arsi e la propia sò cìnniri si persi
Facemu cuntu ca fu lignu e s'arsi e la propia sò cìnniri si persi è nu pruverbiu di la tradizzioni linguìstica siciliana. Lu significatu di la sintenzia è: scurdàmuni zoccu hà statu, ora nun è cchiù nenti ntra nuatri.
Di taliari la rassumigghianza ccu n'àutru pruverbiu di la tradizzioni siciliana ca dici: Facemu cuntu ca chioppi e scampau e la nostra amicizzia finìu.
Citazzioni[cancia | cancia la surgenti]
Lu pruverbiu è citatu e spigatu nti la Raccolta di proverbj siciliani ridutti in canzuni di l'abbati Santu Rapisarda.
« Quanti amari suspiri e chianti sparsi pri tia donna crudili, tutti persi, giacchì nun potti mai verifarsi d'èssiri sula mia pri tanti versi; ma senti: comu mia nni trovi scarsi, sèguita ntra ss'idei tantu pirversi; ju fazzu cuntu ca fu lignu e s'arsi, e la propria sò cìnniri si persi. » | |
( Raccolta di proverbj siciliani ridutti in canzuni )
|
Vuci cunzigghiati[cancia | cancia la surgenti]
- Pruverbi siciliani, nu veru granni alencu di pruverbi di la Sicilia.