Elezzioni Prisidinziali Francisi dû 2007

Dâ Wikipedia, la nciclupidìa lìbbira.
Resultats éléctorals

Lu primu turnu di l'Elezzioni Prisidinziali Francisi 2007 hà avutu locu dumìnica 22 d'aprili di 2007.

Li primi dati diffusi dî riti televisivi francisi attribbuìscinu a Nicolas Sarkozy lu 30% dî voti, a Ségolène Royal lu 25%, a François Bayrou lu 18% e a Jean-Marie Le Pen l'11%.

Lu mannatu di l'attuali Prisidenti dâ Ripùbbrica francisa scadi lu 16 di maiu.

Cantidati[cancia | cancia la surgenti]

Elezzioni Prisidinziali Francisi dû 2007

L'attuali Ministru di l'Interni Nicolas Sarkozy è lu cantidatu ufficiali di l'UMP (Union pour un Mouvement Populaire) a li pròssimi elezzioni prisidinziali francisi, 'n sèquitu a na votazzioni nterna a lu partitu svòtasi lu 14 di jinnaru di 2007. Lu Prisidenti niscenti Jacques Chirac, membru dû stissu partitu, hà espressu lu sò chinu appoiu a la "candidature" di Sarkozy. A li pricidenti elezzioni Chirac uttinni lu 19,88% dî voti a lu primu turnu, vincennu a lu badduttaggiu cu l'82,21% dî cunzenzi contra lu prisidenti dû FN Jean-Marie Le Pen.

Jean-Marie Le Pen, leader stòricu e ndiscussu dâ Dritta nazziunali, lu quali supirò lu primu turnu ntô 2002 cû 16,86% dî voti, jennu a lu badduttaggiu contra Jacques Chirac, è di novu lu cantidatu ufficiali dû Front National (FN).

Ségolène Royal hà statu cantidata ufficiarmenti dû Parti Socialiste (PSF) a sèquitu di na vutazzioni avvinuta lu 16 di nuvèmmiru di 2006. Hà uttinutu lu 60,66% voti, contra lu 20,69% di Dominique Strauss-Kahn e lu 18,66% di l'ex Primu Ministru Laurent Fabius. Ntô 2002 lu cantidatu dû Partitu Sucialista Lionel Jospin fu, a surprisa, battutu a lu primu turnu dû cantidatu dû Frunti Nazziunali (FN) cu lu 16,18% dî voti.

François Bayrou, ca ntô 2002 uttinni lu 6,84% dî voti a lu primu turnu, è lu cantidatu di l'UDF (Union pour la Démocratie Française).

Arlette Laguiller è novamenti la cantidata di Lutte ouvrière (ntô 2002 uttinni lu 5.72%).

La lista ufficiali dî cantidati è cumplitata di Olivier Besancenot (LCR), José Bové, Marie-George Buffet (PCF), Frédéric Nihous (CPNT), Gérard Schivardi (PT), Philippe de Villiers (MPF), Dominique Voynet (Les Verts).


Commons-logo.svg
Nta Commons s'attròvanu àutri mmàggini rilativi a Elezzioni Prisidinziali Francisi dû 2007.



La bannera dâ Ripùbblica Francisa Elezzioni Prisidinziali Francisi La bannera dâ Ripùbblica Francisa
1958 | 1965 | 1969 | 1974 | 1981 | 1988 | 1995 | 2002 | 2007