Duru ccu duru nun fàbbrica muru

Dâ Wikipedia, la nciclupidìa lìbbira.

Duru ccu duru nun fàbbrica è nu pruverbiu di la tradizzioni linguìstica siciliana. Lu significatu di la sintenzia è: dui pirsuni ca hannu lu stissu caràttiri nun ponnu jiri d'accordu.

Di taliari la rassumigghianza ccu n'àutru pruverbiu di la stissa tradizzioni siciliana ca dici: Niuru ccu niuru nun tinci.

Citazzioni[cancia | cancia la surgenti]

Lu pruverbiu è citatu e spigatu nti la Raccolta di proverbj siciliani ridutti in canzuni di l'abbati Santu Rapisarda.

«  Da un paru e sparu mai risulta un paru,
ccu suli e luna non si trova scuru,
ccu pagghia e junciu non si fa un pagghiaru,
ccu peddi e corda non si fa tammuru,
ccu zeru e zeru non si fa un migghiaru,
moddu ccu moddu non po' fari duru,
duci ccu duci non po' fari amaru,
duru ccu duru non fàbbrica muru.  »
( Raccolta di proverbj siciliani ridutti in canzuni )


Vuci cunzigghiati[cancia | cancia la surgenti]