Duomu di Barcellona Pozzo di Gotto

Dâ Wikipedia, la nciclupidìa lìbbira.

Û Duomu di Barcellona Pozzo di Gotto o Duomu di San Bastianu, nomi esattu cumpletu Basilica minuri di San Bastianu, sorgi ntâ piazza Duomu e û prospettu principali spoggi supra â via Roma. È â cchiù granni dî chiesi di Barcellona Pozzo di Gotto, ntâ pruvincia secunda sulu â Cattidrali protumetropolitana di Santa Maria Assunta di Messina. L'ingegneri Barbaro, niputi dû Munsignori Barbaro dirigi i travagghi eseguiti dâ ditta Fratelli Cardillo, cullabura â costruzzioni dû Sacrariu di Cristu Re, opira cuntempuranea dû Duomu di San Bastianu.

Cenni ô cultu di San Bastianu[cancia | cancia la surgenti]

I Tundi dill'Evangelisti ntê pinnacchi dâ Cupula Basilica Minuri di San Bastianu.

U cultu di San Sebastiano o San Bastianu ntâ Sicilia risali ô 1300, quannu û mattiri di Narbona di uriggini milanisi, ritinutu prutitturi contru î 'pidimii di pesti, favurisci â costruzzioni di nummurusi chiesi. 'Ticchisci a Barsalona casali a punenti dû cìumi Longanu e frazzioni di Castroreale attornu ô 1500, succhiantandu û patrunu d'allura San Nicola di Bari. Tattichi militari in usu pressu Eggizziani, Persiani, Greci e Rumani ricurriunu ê frecci ppi inquinari, avvilinari, cuntaggiari l'obiettivi di cunquista, San Bastianu supravvivi ô sô primu martiriu cchî frecci, ppi trasposizzioni assurgi a fijura di Prutitturi contru tutti î 'pidimii di cu è 'nfittatu, allegoricamenti î frecci rapprisentunu î 'pidimii chi cogghiunu. U flagellu dâ pesti nira dilaga ntâ l’isula ntô 1347, 1449, 1524, (1575 - 1578) ô nord Italia megghiu cunusciuta comu a pesti di San Carru Borromeu muntuata ntê Promessi Sposi, sempri duvuta a guerri, spustamenti e muvimenti di migranti, causa granni straggi specii ntâ pruvincia e in particulari modu ntâ cìtati di Messina. I pessimi cundizioni igienichi, â scassa prufilassi, l'inesistenti curi sunnu facili mezzu ppâ veicolazzioni dâ fumma 'nfittiva chi si manifesta ntâ tutta a sô virulenza specii ntê cìtati di mari ppâ prisenza di porti e i trafici marittimi chê zone cchiù esposti ô rischiu.

A Basilica[cancia | cancia la surgenti]

Basilica Minori di San Bastianu, Affrescu latu Nord.
Basilica Minori di San Bastianu, Facciata.

In seguitu all’Unioni Amministrativa di Barcellona e Pozzo di Gotto dû 1836 e ô radduppiu dâ pupulazzione, si renni nicissaria a costruzzioni di un novu tempiu capaci di cuntiniri un maggior nummiru di fideli, chi rappresenti dignamenti a cumunità cristiana e chi sia puntu di riferimentu storicu, artisticu e riliggiusu dû novu centru costituitu. L’accelerazzioni â realizzazzione dû proggettu è data dû disastrusu tirrimotu di Messina1908 chi danneggia gravementi u vecchiu Duomu di San Bastianu rendendulu inaggibbili ppi anni cumprumittenduni a stabbilità, ntô primu tempu dimuliti i patti chi presentunu maggiuri pericolu e puntellatu u tettu, ppi nicissità 'mpellenti dû cultu è riapertu, non trascurandu i raggiuni di nascenti sviluppi urbanistici: u vecchiu Duomu 'mpidiva di tracciari l’assi viariu custituitu dall’udierna via Roma, naturali sboccu d’accessu â Stazzioni Ferroviaria, puru idda oggi spustata longu u nuovu tracciatu dâ linea a doppiu binariu. U tempiu primitivu cumpletatu ntô 1606 custituiva ccâ Chiesa degli Agonizzanti a latu, u Teatru Placidu Mandanici distruttu a causa di un incendiu ntô 1967, u Monti di Pietà, l’anticu nucliu di Barcellona, finu ai primi dicenni dû 1900 quannu è difinitivamenti dimulitu ccâ conclusioni dû nuovu Duomu. Approvazzioni dû proggettu 1° aprili 1931. A costruzzioni cuminciata û 25 ìennaru 1932, conchiuduta û 30 uttuvìru 1935, inaugurata û 25 marzu 1936 dall'Arcivescuvu di Missina Munsignuri Angelo Paino. A sistemazzioni dâ piazza antistanti timminata ccû l'elevazzioni e â dedicazzioni dû Duomu a Basilica da patti di S.E. Cardinali Angelo Sodano û 18 sìttemmiru 1992.

A facciata[cancia | cancia la surgenti]

Basilica Minore di San Bastianu, latu Nord.

Mittendusi propriu di frunti â Basilica si scopri un’impressionanti simigghianza: â facciata richiama chidda dâ Basilica di "Sant'Andria della Valle" a Roma ntô Corsu Vittoriu Emanuele. In effetti, ntâ fasi di presentazzioni dû proggettu, l'architettu esponi chiaramenti d'ispirarisi â Basilica romana, sia ntô prospettu sia ppâ pianta dell'edificiu. Ppâ Cupula trai funti d'ispirazzioni ntâ realizzazzioni dû paisanu missinisi Filippu Juvarra dâ Cupola dâ Basilica di Superga. Chiddu chi ppû principianti, û furisteri, l'ammiraturi, è pura cunstatazzioni, all'attenta littura ducumentali e cunformementi a simplici raggiunamenti lijati â storia dill'Architettura, si rileva â giusta miscela di spunti criativi. Â Cupula chê custuluni binati dû Tempiu turinisi simplificata e alliggirita, addivirrà curunamentu dû "Sacrariu di Cristu Re" tutalmenti dirivatu dall'impiantu dû Juvarra â cui rializzazzioni û Barbaro ha cullaburatu. Stissa cupula ppû coevu Duomu di Barcellona, û quali ppî fumma, stili e dimensioni è simigghianti â Cupula dû Duomo Nuovo di Brescia mancanti dî finistruni tundi â basi dâ calotta sferica. Ntâ realizzazzioni Baccialunisi, î tirrazzi che cummogghiunu î navati latirali sunnu cchiù lagghi, ampie e ciò pimmittiu l’esecuzzioni di dui ingressi anteriori minuri. Â facciata ricacca in chiavi mudenna û stili neo classicu ccû dui oddini suvrapposti di culonni binati surmuntati da capitelli curinzi chi 'ncurnicianu û finistruni, l’ingressu principali e î nicchii laterali. Û corpu dî ottu culonni centrali è leggermenti cchiù sporgenti rispettu ô gruppu laterali, dû gruppu î quattru culonni interni sunnu cchiù avanzati creannu â realizzazzioni di un timpunu spizzatu e a rilievu dû carattiri muvimintatu e dinamicu. Ìntra ô timpanufruntuni un freggiu ornatu da elementi cardinalizzi e festunatu ccû sculpiti nâ palma tra dui liuni. Û stemma e mottu SOLUS CUM DEO SOLO pottunu all'ordini di San Paulu. Ingressi e loggia finestra 'ncurniciati fra culonni surmuntati da timpani ad arcu, ad arcu spizzatu e triangulu. Nicchie surmuntati ppî ordini da timpani a triangulu e arcu. Î nicchii dû prospettu principali sunnu stati arricchiti da quattru statui operi di Domenico Farina, San Pietro, San Paulu, San Franciscu d'Assisi e Santa Catarina di Siena, chi crianu un dilicatu cuntrastu luminosu all’edificiu tra û biancu dû marmuru e î petri pruvenenti dê cavi di Billiemi e dû Comiso.

Supra â pareti interna d'ingressu dall’autu a scindiri e da destra versu sinistra  Creazzioni,  cacciata dall'Eden o Peccatu Origginali, Diu e î tavuli dî Cumandamenti, Û Battìju ntô Giordanu di Gino Colapietro 1997.

A navata centrali[cancia | cancia la surgenti]

Basilica Minuri di San Bastianu, latu Sud.

L’impiantu basilicali è a cruci latina ccû ampia navata centrali ccû volta a butti arricchita da fregi, rusuni e stucchi, longu î navati latirali a cinqu arcati l'una sunnu sistimati sei altari minuri e dui ingressi latirali.

Û spaziu internu è articulatu ntâ tri navati ppî mezzu di robbusti pilastri supra i quali si aprunu granni archi a tuttu sestu abbelliti da paraste binati. Â navata centrali è longa 25 metri circa dâ controfacciata ô transettu, lagga 16 metri e auta circa 23 metri, visivamenti e acusticamenti è l'elementu architettonicu cchiù 'mpurtanti dâ costruzzioni.

A navata destra latu sud[cancia | cancia la surgenti]

  • Ntâ prima campata a destra è murata l'iscrizzioni di marmuru riproducenti û testu dâ Bolla Pontificia dû Papa Giuvanni Paulu II dicritanti â pubblicazzioni 9 novìmmiru 1989. Elevazzioni a Basilica 9 fìvraru 1991. Cirimonia di Dedicazzioni 18 settemmiru 1992.
  • Secunda campata: Altari dedicatu â Virgine dill'Agonizzanti pruvinenti dâ Chiesa dill'Agonizzanti (fini seculu XVI - iniziu seculu XVII). Di Filippo Jannelli (1621c. - 1696) custituisci pala d'altari û dipintu ogghiu supra tila Virgine dill'Agonizzanti fra San Micheli Arcancilu, San Camillu de Lellis e San Giuseppi 1655(?). Lesene surmutati da timpani spizzati simmetrici ccû stili 'ntirmedia. Raffinatu tabbernaculu culonnatu raffijuranti tempiettu surmuntatu da curuna.
  • Terza campata: Ingressu latu sud.
  • Quarta campata: Altari dedicatu ô Patriarca San Giuseppi pruvinenti dô Vecchiu Duomu (fini seculu XVI - iniziu seculu XVII). Û dipintu San Giuseppe fattu da Santa Rugolo 1942 costituisci â pala d'altari. Lesene surmuntati da timpani spizzati simmetrici ad arcu ccû stili intermedia. Prigivulissimu paliottu di marmuru.
  • Quinta campata: Altari dedicatu a Maria SS. dâ 'Razia coopatruna dâ cìtati pruvienenti dô Vecchiu Duomu (fini seculu XVI - iniziu seculu XVII). Lesene surmuntati da timpani spizzati simmetrici ad arcu con stili intermedia.

A navata sinistra latu nord[cancia | cancia la surgenti]

Cupula Basilica Minori di San Bastianu, vista da Pizzaottu.
Basilica Minori di San Bastianu, Panorama dî Cappuccini.
  • Ntâ prima campata a sinistra era postu origginariamenti û Fonti Battesimali uora trasferitu vicinu all'altari maggiuri. Murati ntâ pareti â lapidi cummemorativa attistanti â data d’intitolazzioni 25 Marzu 1936 e chidda di dedicazzioni 8 Giugnu 1986, â lapidi cummemorativa attestanti l'edificazzioni dû Duomu ppî opera dill'Arcivescuvu di Missina Munsignuri Angelo Paino.
  • Seconda campata: Altari dedicatu a Sant'Antoniu di Pàduva di fattura muderna 1940. Lesene surmuntati da timpani spizzati simmetrici ccû stili intermedia.
  • Terza campata: Ingressu latu nord.
  • Quarta campata: Altari dedicatu ô Trionfu dâ Croci fra Gesù e Maria pruvinenti dû Vecchiu Duomu (fini seculu XVI - iniziu seculu XVII). Di Filippo Jannelli (1621c. - 1696) costituisci pala d'altari û dipintu ogghiu su tila Gesù e Maria e il Trionfu dâ Cruci. Lesene surmuntati da timpani spizzati simmetrici ad arcu ccû stili intermedia. Prigivulissimu paliotto di marmuru.
  • Quinta campata: Altari dedicatu ô Sacru Cori di Gesù pruvinenti dû Vecchiu Duomu (fini seculu XVI - iniziu seculu XVII). Costituitu da una duppia coppia di culonni, chiddi interni prospetticamenti cchiù avanzati surmuntati da timpani spizzati simmetrici.

U transettu[cancia | cancia la surgenti]

Ntô transettu a sud un mudernu, lineari e suntuosu altari di marmuru in stili classicu opera di Antonino Antonuccio, costituitu da pilastri (lesene) binati e capitelli di stili curinziu surmuntati da timpanu spezzatu simmetricamenti, raccurdatu ccû dui volute versu sutta riggenti un discu surmuntatu da un vasu. Ê lati dâ dinamica trabeazione autri dui vasi, ntâ nicchia incurniciata da lesene e timpanu ad arcu è sabbata a setticentesca statua di lignu di San Bastiano che è puttata in prucissioni. Supra dâ cantoria nâ tila dû seicentu raffìjuranti sceni dâ vita di San Cristofuro. Ntâ l’affriscu raffìjuranti â Pisca miraculusa di Gino Colapietro 1994 supra a parete nord dû transettu, î fattizzi dî persunaggi richiamanu i facci di cìtadini fra cui spicca û visu dell’arcipreti cummittenti, tuttu suvrasta tri austeri ma, prigivuli confissiunali opera dill’ebanista lucale Antonio Genovese su disegni di Salvatore Crinò risalenti all'anni ‘60. Ntô un riquadru si può ammirari â tila ccâ Vergini ccû Bambinu e San Franciscu di Gaspare Camarda (1606).

Quattru mosaici raffìjuranti L'Annunciazioni,  Natività, L’Adorazzioni dî Magi e  Presentazzioni di Gesù ô Tempiu di Claudio Traversi cumpletunu û transettu. Di fora sunnu riprudutti î fìjuri di San Nicola di Bari e San Franciscu di Paula ê spaddi, dâ statua in bronzu di San Piu di Pietrelcina, 2001.

--------------- Transetto nord ------------------- ---------------- Transetto sud -------------------
 Natività L'Annunciazzioni
San Nicola di Bari (fora) San Franciscu di Paola (fora)
L’Adorazzioni dî Magi  Prisintazzioni di Gesù ô Tempiu

L'altari[cancia | cancia la surgenti]

Altari Maggiori Basilica di San Bastianu e esposizzioni dû Brazzu di San Bastianu.

Supra l'altari maggiuri in marmuru policrumu, a cui sopraelevazzioni raffìjura û fruntuni di un tempiu rumanu ccû duppiu timpanu spezzatu sovrappostu e simmetricu, ccû stili cummemorativa cintrali, û tuttu richiama û stili dû prospettu dâ facciata, fra culonni e capitelli curinzi è 'nsirita â tila raffìjuranti û Martiriu di San Bastianu unni Santa Irene a luttu recupira û corpu dû Santu, un’ancidda e San Nicola di Bari 'nginucchiatu, pricidenti prutitturi du Casali di Barsalona, opira di Giacomo Conti 1879. Cumplìtanu â scena â Madonna in Gloria identificata ccâ Madonna 'a Razia coopatruna di Barcellona Pozzo di Gotto fra armati di anciuli, chirubini e sirafini, troni e duminazzioni. L'opira di marmuru fu fatta da Salvatore Manganaro direttu da Maria Mento, Angela Mento fu cunchiuduta ntô 1960. Û Cristu Pantocratori ntô catinu dell'absidi è opira dû barcellunisi Filippo Minolfi realizzata ntô 1984. Û Duomu sarba diversi tili dû Seicentu e dû Settecentu, supra û latu sinistru dill'altari è espostu un dipintu dill'Ottocentu raffìjuranti a Madonna 'o Carminu e Santi, San Roccu, San Paulinu da Nola e Santa Catarina d'Alessandria di Cesare De Napoli.

I potti[cancia | cancia la surgenti]

Pala d'Altari Basilica di San Bastianu.

L'accessu anteriuri ntâ basilica è garantitu da tri potti, un tempu di lignu, chi sunnu stati rimpiazzati ccû puttuni di bronzu.

Û granni puttuni bronzeu dâ navata cintrali opira di Ennio Tesei, ccû placchi raffìjuranti sceni tratti dâ vita di San Bastianu. I sei riquadri 'mmustrunu: Û primu martiriu cchi frecci, Û secundu martiriu ccâ flagellazzioni a morti, î palmi dû martiriu costituisciunu i manigghiuni dill'anti, Î curi di Sant'Irene, Î Predicazzioni di San Bastianu, Û 'ncontru ccû l'Imperatori Diocleziano, Â Cloaca Massima, eseguitu 1990.

 potta è surmuntata da un freggiu fistunatu recanti i simbuli dû martiriu: î frecci e relativi curuna e palma.

Û puttuni destru, opira di Giorgio Luzzietti, ccû placche raffìjuranti  Pentecosti, L'Ascensioni,  Moltiplicazzioni dî Pani e dî Pisci ,  Pisca Miraculusa, Î Nozzi di Cana e  Resurrezzioni di Lazzaru.

Il puttuni sinistru, opira di Claudio Traversi, con placchi raffìjuranti sceni dû Diluviu Universali, Î Tavuli dâ Liggi e û Ruvitu Ardenti, Â Chiesa dî Basiliani, Û vecchiu Duomu di San Bastianu, Â Nova Basilica e na placca didicata a Munsignuri Angelo Paino, ditto Û Ricostruttori, eseguitu ntô 1991.

A cupula[cancia | cancia la surgenti]

Chi sô 16 metri circa di diametru, 8 m d'altizza, ccâ lantirna, a cupola è l'emblema dâ stissa basilica e unu dî simbuli di tutta a cìtati.

A cupola ca pianta ottagunali si eleva di propozzioni cuntenuti ed è illuminata da otto finestri disposti ntô tamburu e da otto occhialuni disposti ntâ parti curva ed è curunata da un lantirninu puru iddu a pianta ottagunali.

'Mpoia su un ìjautu tamburu apertu da ottu finistruni rettangulari, separati da altrittanti custuluni definuti ê fora da 'na serii di culonni binati.

Ntê tundi dî pinacchi posti â basi dû tamburu riprudutti i quattru Evangelisti ntô 1986 da Filippo Minolfi, ottu vitrati rettangulari supra û tamburu dâ cupula rializzati ntê primi anni '90 da Salvatore Gervasi.

I dimensiuni dâ basilica[cancia | cancia la surgenti]

 statua di lignu Setticentesca di San Bastianu Barcellona Pozzo di Gotto.

À basilica di San Bastianu è â secunda chiesa cattolica cchiù granni dâ pruvincia di Missina.

Lunghizza massima di fora : 72 m
Altizza dâ navata : circa 23 m
Altizza dâ cupula: 20 m circa + 10 m il tamburu + 8 m emisferu cupula + lantirna + cruci
Altizza navate laterali : 12 m
Altizza dâ facciata : 25 m
Altizza dû campanili : 32 m
Larghizza massima di fora : 39 m
Larghizza dû tamburu dâ cupula : 15 m
Larghizza dâ navata centrali: 16 m
Larghizza dî cappelli : 5 m
Superficii da costruzzioni : 2.000 m² circa cumprinsivi di lucali accessori

Diversi rimaneggiamenti hannu cumpurtatu mudifiche, specii ppî l’elevazzioni a Basilica. Scumparsa â primitiva scalinata anteriuri, â balaustra e â canciddata chi spartia û transettu dall’altari maggiuri, â “mensa” misa sutta â cupula ripristinata ccâ mensa altari “coram populo”, così comu canciaru disposizzioni amboni e funti battesimali. Â sistemazzioni di alcuni opiri esposti: i tili chi fannu curuna all’altari. Canciati i vecchi vitri ccû vitrati artistichi istoriati. Ntô 2000, sunnu stati realizzati â nuva Cappella dî Cunfessioni, â Cappella dû S.S. Sacramentu, riorganizzati completamenti i lucali dâ canonica, dill'uffici parrocchiali e dî disimpegni, ristrutturata a novu â sagristia ccû un novo pavimentu di marmuru e novi armadi, mudificata â disposizzioni dû presbiteriu ccû un novu ambuni, spustatu û funti battesimali e â consolle dill'organu, realizzatu û palcu di lignu ppû coru ntô transettu destru.

  • “San Bastianu” ntô finistruni loggia dû pruspettu principali, opira dî fratelli Grassi.
  • Finestri tondi cappelli. “Sacru Cori di Gesù”, “Madonna di Fatima”, “San Giuseppi”, “Animi dû Purgatoriu”, “Trionfu dâ Cruci”, “Sant'Antoniu di Padova”, “Ù Spiritu Santu”, “San Cristofuru”, opiri di Claudio Traversi annu 1992.
  • Finestri tamburu Cupula. Ottu vitrati rettangolari ntô tamburu dâ cupula ad opira di Salvatore Gervasi.
--------------- Finestri navata nord -------------- ---------------- Tundi Altari nord ---------------- ---------------- Tundi Altari sud ----------------- --------------- Finestri navata sud ---------------
Cori Immaculatu di Maria (Absidi) Sacru Cori di Gesù (Absidi)
 Resurrezzioni (Transettu)  Crocifissioni (Transettu)
Sant'Agata e Santa Lucia (?) Sacru Cori di Gesù Madonna di Fatima San Nicola e San Basiliu (?)
San Giuvanni e San Mattia (?) Û Spiritu Santu San Giuseppi San Simone e San Matteu (?)
San Petru e San Paulu (?) San Giacomu e San Bartolomeu (?)
Sant'Andria e San Filippu (?) Sant'Antoniu di Padova L'Animi dû Purgatoriu Santa Eustochia e Santa Chiara (?)
San Domenicu e San Franciscu d'Assisi (?) San Cristofuru Trionfu dâ Cruci San Tommasu e San Giuda (?)
Martiriu di San Bastianu (Loggia)


Û coru[cancia | cancia la surgenti]

Affrescu Basilica di San Bastianu.

Û presbiteriu di lignu cumpostu da seggi di gustu classicu, realizzatu ntô 1985 da Santi Diletti, su disegnu di Angela e Maria Mento.

L'organu[cancia | cancia la surgenti]

L'organu dâ basilica fu costruitu dâ ditta Tamburini di Crema ntô 1967. I corpi d'organu sunnu dui, situati ntê transetti dû coru dâ Basilica rispettivamenti in Cornu Epistulae e in Cornu Evangelii, cumpostu da 2760 canni (ubicati ntê dui lucali ad angulu tra absidi (canne) e transettu (trombe)), 'na consolle di tri tastieri, 61 tasti, 'na pidalera di 32 pidali e 41 rigistri sonori riali. Dopu û strumentu dâ Cattidrali di Missina, era all'epuca dill'installazzioni û secondu organu cchiù granni dill'intera pruvincia.

I campani[cancia | cancia la surgenti]

Ntô 1989 novi nuovi campani dâ funderia Capanni di Catania, a cchiù granni di 109 cm di diametru e perfettamenti accurdati in toni graduali dicriscenti sostituisciunu i campani dell'anticu Duomu; dutati di martellettu a percussioni, i primi tri puru di distesa. A completamentu fu finalmenti rializzatu un 'riloggiu a carillon completu ccû quattru quadranti di 169 cm di diametru l'unu.

 sagristia[cancia | cancia la surgenti]

Vetrata Basilica di San Bastianu.

Ntâ sagristia ubbicata arreti l'absidi e comunicanti ccû deambulatoriu e transettu da tutti e dui i lati sunnu custuditi: û sarcofagu dû filantropu Giovanni Spagnolo (1791); 'na statua di mammuru dâ Madonna dû Riposu (fini seculu XVI - iniziu seculu XVII); deci tili a curnici mistilinea dû seculu XVIII ccû sceni dâ vita di San Bastianu; un reliquiariu dû seculu XVIII e un involucru d'organu a intagli lignii dî primi dû seculu XVIII.

Arcipreti dâ basilica[cancia | cancia la surgenti]

L'arciprete è û decanu fra i presbiteri di 'na parrocchia, responsabbili ppà curretta esecuzzioni dî duviri 'cclisiastici e ppù stili di vita dî parrini a iddu sottoposti.

Curiosità[cancia | cancia la surgenti]

  • Finu ê primi anni dû 1900 duranti î prucissioni dû 20 ìennaru era custumi tirari ciciri contru û simulacru dû Santu comu fumma divozzionali e comu attu liberatoriu dî piccati, usanza non cchiù pirmissa dall'autorità 'cclisiastichi. Autru aspettu antrupulogicu 'ntrinsicu ô gestu è â fumma di ringrazziamentu ppî avir sfamatu priggiuneri e poviri di Roma, nondimenu ppî l'opira evangelizzatrici cundutta a costu dû supremu sacrificiu. [2].
  • Â Ciaurrina: caramella stirata ô chiovu tipica Bacciallunisi cunfezionata duranti i fistiggiamenti di San Bastianu, a cui preparazzioni o megghiu, l'inizziali stiratura 'a manu dâ pasta di mieli ricorda la tensione dell'arco e lo scoccare delle frecce.
  • U brazzu di San Bastianu locuzione. In Duomo è custodita un inestimabile reliquia che consiste nell'osso dell'avambraccio del santo martire detto Brazzu di San Bastianu, spesso citato in detti del luogo come Ci voli u brazzu di San Bastianu!, il quale s’invoca in un momento dove sarebbe propizio un ausilio importante e determinante.

Galliria mmàggini[cancia | cancia la surgenti]

Noti[cancia | cancia la surgenti]


Autri proggetti[cancia | cancia la surgenti]

Lìjami di fora[cancia | cancia la surgenti]