Division Bell

Dâ Wikipedia, la nciclupidìa lìbbira.

La division bell è na campana ca ntô Parramentu ngrisi nzinga lu nizziu di na vutazzioni (ditta division) e ca richiama li mèmmira di l'assimbrea affinchì ci pìgghianu parti[1].

Ntô Regnu Unitu[cancia | cancia la surgenti]

La division bellCàmmara dî Cumuna.

Sònanu la campana ntê vicinanzi dû Parramentu ngrisi e rapprisenta lu nizziu dâ vutazzioni; li mèmmira dû Parramentu e dâ Càmmara dî Lords ci hannu ottu minuti pi jùnciri li sedi di vutazzioni rispittivi e vutari contra o a favuri di na risuluzzioni. Riprudùcinu la chiamata â division unn’è-gghiè ô nternu di l'edificiu dû Parramentu.

A càusa dâ cuncissioni di tempu li parramintari, n effetti, si ponnu attruvari nta uffici, ristoranti, pub o nigozzi ntê vicinanzi, e arcuni di sti lucali ponnu aviri na propia division bell cullijata a chiddi ca s’attròvanu dintra li cunfini dû Parramentu. Àutri ùsanu un sistema di cercapirsuni cuurdinatu di l'ufficiu dû Whip d’ogni partitu.

Li quartieri ginirali dî maiuri partiti sunnu tutti a purtata di tiru dâ division bell e st'ària difinisci chiù o menu li lìmiti giogràfici di l’accussidditta Westminster Bubble.

 fini dû sèculu XIX tri trasmittitura dâ division bell vìnniru fabbricati dû General Post Office supra dumanna dû guvernu. Chisti vìnniru nummirati 1, 2 e 3. Dui vìnniru distruduti di na bomba ntô 1941 e sustituiti cu copi ca purtàvanu li nùmmira 4 e 5. Lu nùmmiru 5 esisti ancora mentri nun si canusci la sorti dû nùmmiru 4.

Lu BBC Antiques Roadshow (pressu la Banqueting House) espunìu nta l'uttùviru 2007 ntâ Withehall lu trasmittituri nùmmiru 1 origginali, pruvinenti dâ Càmmara dî Cumuna. L’espertu Paul Atterbury, cu l'aiutu dâ barunissa Betty Boothroyd, Speaker dâ Càmmara, addimustrau l'autinticitati di l'apparecchiu. Valutaru lu sò prezzu nta circa 15.000 stirlini.

Nta l’Australia[cancia | cancia la surgenti]

Sìa lu parramentu fidirali ca chiddi statali ùsanu dî division bells elittrònichi. Nta li stati cu parramentu bicammarali, e ntô parramentu fidirali, dî luci vìridi e russi cullucati vicinu â division bell lampìanu pi nnicari quali càmmara veni chiamata. Lu Queensland e li Tirritori, ca ci hannu nu parramentu unicammarali, nun hannu bisognu dâ luci russa ca simmulìa la càmmara àuta. Sònanu li campani a l’accuminzagghia di na siggiuta, pirchì un mèmmiru mpugnau na vutazzioni (chiamata division), o pirchì nun ci sunnu abbastanti mèmmira ntâ càmmara pi jùnciri lu quorum.

Ntô parramentu dû Novu Galles dû Sud, la division bell è elittrònica e sona n manera diversa pî vutazzioni di l'Assimbrea e dû Cunzigghiu.

Noti[cancia | cancia la surgenti]

  1. UK Parliament glossary - division bell