Discussioni:Thomas Alva Edison

Sunnu dui li mei spiati.

1) Visti lu muttu "cuffia" inta sta pàhina e vi vosi spiari a li siciliani siddu cci fussi nu muttu chiui sicilianu pi sti cosi. Voyu dìciri li "cuffie" ca si ùsanu pi ascutari la mùsica. "Cuffia" nu italianìsimu avi a siri, criyu.

2) Visti lu muttu "filmatu" inta sta pàhina e vi vosi spiari siddu nun cci stassi bonu lu muttu "firmatu", inzèmmula a "firm", a locu di "film" e "filmatu".

Chi nni pinzati? Nun lu dicu sulu eu, circati pi favuri "firm" + "sicilianu" e "firmatu" + "sicilianu" incapu Google, e viditi ca tanti cristiani li ùsanu. E sti palori si àscianu midemma inta certi pàhini di la nostra wikipedia siciliana. Mi pracissi assai sèchiri lu mudeddu sicilianu, l + cunz. = r (o u, etc.).

Salutamu,

Michiluzzu Scalisi (msg) 00:14, 18 apr 2008 (UTC)

p.s. Sacciu ca a prima vista pari stranu "firm", spiciarmenti ca simu tutti abbituati a dìciri "film", inta l'italianu, inta l'angrisu, via via. Ma a nu certu puntu tutti li palori siciliani s'avìanu di spàrtiri di la lingua uriyinali. A prima vista macari "artaru", di latinu "altarem", cci pariva strana. Ma arrinisciva.

E mi pari ca la diffirenzia tra l'infruenzi rechi, àrabbi, spagnoli, etc. ca arrichìvanu lu sicilianu e di chiddi italiani/angrisi ca cci fannu mali esti ca chiddi di prima sicheru li rèhuli siciliani, mentri chiddi italiani/angrisi no. Pi ascempru, quannu nu spagnolu faciva arripètiri a nu sicilianu lu muttu "albarán", lu sicilianu diciva "arbaranu" (ca si poti vìdiri inta l' Introduzione allo Studio del Dialetto Siciliano di Avolio Corrado). E n'autru, "Muncibeddu" ca, pi quantu nni sacciu, veni di lat. "mons" e àrab. "gibel", inta lu quali l' L di nu muttu àrabbu s'arraddùbbula e poi addiventa lu sicilianu DD. Cci sunnu ascempri accussì cu tutti li lingui prima di l'italianu, mutti reci ca sicheru li rèhuli siciliani, mutti latini, àrabbi, nurmanni, spagnoli, tideschi, etc. Picchì l'italianu o l'angrisu no?