Discussioni:Scurpiuni
Omofonii ca fanu cunfunniri[cancia la surgenti]
Mi pari ca c'eni tanticchia ri cunfusioni ntra i palori "scurpiuni", "surfizziu", "zazzamita", "passiaturi" duvutu a l'omofonia ca a palora taliana "scorpione".
Pa isempi... lu surfizziu eni lu talianu "geco" o "scorpione"?
Grazzi.
Maurice Carbonaro (msg) 08:47, 13 Friv 2012 (CET)
Ciau Maurice, grazzi pi st'addumannata assai ntirissanti.
Lu dizziunariu di Camilleri porta:
- scorpione: suffrizziu, salifizziu, scurpiuni
- geco: zazzamita, suffizziu
Lu dizziunariu di Giarrizzo porta:
- scorpione: scurpizziu/scurfizziu (dô grecu "skorpios")
- scorpione: suffrizziu (dô verbu latinu "suffrictio", fricata, stricata)
- scorpione: suffrizzu (dô francisi "écrevisse", gàmmiru di ciumi)
- scorpione: zazzamita/zazzamina (dô grecu "samiamidion", gecu, lucerta)
Lu dizziunariu di Storace porta:
- scorpione: suffrizziu
- geco: scurpiuni, zazzamita
Lu dizziunariu di Pecorella porta:
- scorpione: suffrizziu
Lu dizziunariu di Zinna porta:
- geco: schirpiuni, zazzamita, passiaturi
- scorpione: schippiuni, scurpiuni
Lu dizziunariu di Rocca porta:
- geco: passiaturi
Dunca putemu nutari chistu:
- scorpione: scurpizziu, scurfizziu, suffrizziu, suffrizzu, salifizziu
- geco: passiaturi
Nta àutri casi:
- suffizziu: geco
- scurpiuni: 1. scorpione, 2. geco
- schippiuni: scorpione
- schirpiuni: geco
- zazzamita: 1. geco, 2. scorpione
- zazzamina: scorpione
Pi mìa avemu a usari l'etimoluggìa di li palori pi risòrviri sta cunfusioni:
- Pi "scorpione", ci vulissi n'artìculu principali "scurpizziu" (dô grecu "skorpios") cu tutti li redirect: scurfizziu, suffrizziu, suffrizzu, salifizziu, scurpiuni (dô latinu "scorpionem"), schirpiuni
- Pi "geco", ci vulissi n'artìculu principali "zazzamita" (dô grecu "samiamidion") cu tutti li redirect: zazzamina, passiaturi
Appoi dintra l'artìculu scurpizziu, putemu scrìviri na rubbrica ca dici ca nta arcuni zoni dâ Sicilia lu "scorpione" pò vèniri chiamatu "zazzamita"/"zazzamina" (chè lu nomu di na lucerta di muru).
Appoi dintra l'artìculu zazzamita, putemu scrìviri na rubbrica ca dici ca nta arcuni zoni dâ Sicilia lu "geco" pò vèniri chiamatu "suffizziu"/"scurpiuni"/"schirpiuni" (ch'è lu nomu di n'aràcnidi).
Chi nni penzi?
Salutamu