Discussioni:Madonna (cantanti)

Contenuti della pagina non supportati in altre lingue.
Dâ Wikipedia, la nciclupidìa lìbbira.

Madonna (Detroit, 1958) è la cchiù celibri cantanti fimmina da storia. Vinniu 250 miliuni di dischi finu o 2006, raccussì addivintau a cantanti fimmina ca vinniu cchiù dischi nda storia musicali. Accuminciau a carriera ufficiammenti 'ndo 1982, cu l'album ca potta u so nomi. A maggior patti de canzuna si scriviu idda, musica e paroli. 'Ndo 1984 pubblicau l'album Like avirgin, ca' ddivintau un successu senza pricidenti. Da allura Madonna scrivi e produci i so canzuna in collaburaziuni cu autri musicisti e prudutturi, però quasi tuttu u travagghiu creativu e melodicu è sempri u 'so. 'Nda quasi 25 anni di carriera, Madonna affruntau 'ccu sempri criscenti successu tutti l'espressioni musicali: soul, dance, disco, r'n'b, musica stili anni '40, musical, però a so impronta è comunqui pop, 'nda l'accezioni cchiù nobili do termini: popular, capaci d'arrivari a tutti. Tra i so tanti album bisogna ricurdari macari True Blue (1986), Like a Prayer (1989), Bedtime stories (1994), Ray of light (1998), Music (2000) e Confessions on a dancefloor (2005). Tantu ppi fari un esempiu, l'album Like A Prayer riciviu a siguenti recensiuni 'nda prestigiusa rivista Rolling Stones: "A musica pop n'arrinisciu mai prima di stu album di Madonna a avvicinarisi accussì tantu all'arti".

A parti a musica in sensu strittu, Madonna è la cchiù celibri cantanti pi quantu riguarda i video musicali. Dopu aviri sfidatu Michael Jackson nda l'inizi di l'anni '80, a fini a so continuità e a so capacità di rinnuvarisi continuamenti, a puttarunu a vinciri ogni cuncurrenza. I so primati su impressionanti, 'raccussì comu i migliaia di premi ca vinciu, tra cui na quantità enormi di Video Music Awards e Grammy Awards, i massimi ricunuscimenti musicali mundiali. 'Ndo 2005 fu nominata membru fundaturi onorariu dda Music Hall Of Fame, insemi cu i Beatles, Bob Marley, U2 e Elvis Presley. Chistu fossi è finora u ricunuscimentu cchiù prestigiusu ca Madonna riciviu. Tra i so milli record, unu de' cchuù impurtanti è ca idda piazzau u numeru cchiù iautu di canzuni 'nde classifichi, superannu giustu 'ndo 2006 i primati dei Beatles e di Elvis Presley, cu 60 canzuni di successu. E Madonna è ancora 'no megghiu da' so carriera e quindi avi ancora tempu ppi ddistanziarisi ancora di cchiù de tutti l'autri cantanti.

A so fama ppi canzuna e i video addiventa un tutt'unu 'nde so' cuncerti, ca su un veru e propriu cundinsatu di espressiuni visuali, musicali e culturali de nostri tempi. U so' primu tour mondiali fu u Virgin Tour, 'ndo 1985, e l'ultimu fu u Confessions Tour, ca finiu 'ndo Sittembri 2006. Cu' sto Tour, ca arriggistrau u tuttu easuritu in tutti li città unni passau (cumpresa Roma, unni 70.000 fans acclamarunu a cantanti u 6 agostu)arrinisciu a battiri n'autru record: u tour di cchiù granni successu pi' na cantanti n'da storia 'da musica, cu 200 miliuni di dollari guadagnati. Ormai cunsiderata cchiù da' semplici cantanti cchiù famosa 'nda storia, Madonna è, a quasi 50 anni, na icona culturali "totali", grazi macari ai so' ligami co munnu dill'arti e da comunicazioni, e a so' capacità di criari sempri novi munni visuali e musicali.