Discussioni:Franciscu Pàulu Di Blasi

Contenuti della pagina non supportati in altre lingue.
Dâ Wikipedia, la nciclupidìa lìbbira.

jè-> è; Lassau-> lassò; a-> n.

Lassau jè na furma virbali justa, nun chiù picca di Lassò, ca jè la sò furma strinciuta. Lu canciu di la a cu la n jè na furma dialittali di li banni palirmitani, dunca nun penzu ca chissa jè chiù littiraria di la a. Discurrennu ammeci di la , la sò furma justa jè cu sicurizza chista ammustrata: dicemu anfatti jiri, ji(di)tu, jornu, jattu; chisti ammustranu dunca lì crassichi particularitati di la sunata un-gnornu; mi nn'haju a-gghiri. Macari lu verbu jèssiri fa vìdiri chistu: cu jè-gghè, nun-gnè d'accussì.

Salutamu. Contra 11:22, 23 01 2011 (CET)

  • Supra "lassau" chissa faci parti di la tipica cuniugazzioni catanisa, dunca si prifirisci chidda cchiù niutrali n "". Supra la pripusizzioni "a" n sta frasi, nun è sgarratu mittiricillu pirò vistu ca si ntenni comu cumprimentu di statu n locu megghiu la pripusizzioni "n" ca "a". Supra la "" vali lu stissu discursu di "lassau", nfatti è na tipica varianti urintali dâ cuniugazzioni dû verbu "èssiri". Chiossai l'argumintazzioni ca facisti 'un è curretta: li primi quattru asempi ca fai s'arrifirisciunu a casi di trasfurmazzioni e alisiuna ca hannu avvinutu cû tempu nti la lingua siciliana pi cui gruppi cunsunantici o vucalici di la lingua latina s'hannu trasfurmatu n àutri gruppi sequennu (nun sempri pirò!) rèuli cchiù o menu uniformi (videmu li casi "ll=dd" o videmma "fl=ci"). Si siquemu lu principiu etimulòggicu appoi "è" veni di "est" nun di "jest" o "gest" o "ghest", accussì comu tutta la cuniugazzioni dû verbu "èssiri".sabbinirica--Klone123 (msg) 16:11, 23 jin 2011 (CET)[rispunni]


D'unni veni veni lu verbu jessiri, nun crìu jè mpurtanti. Lu sicilianu hà statu assai nfruinzatu di lu latinu, ma chissu nun significa ca nun havi dignitati di lingua propia. Picchì siddu avissimu a sècutari lu principiu atimuloggicu di la lìngua latina, alùra avissimu videmma a turnari a scrìviri nti la lìngua latina pura.
Ancòra, nun putemu cu cirtizza dìciri chi latinu si putìa parrari pi vucca di li siciliani n'antichitati: ma zoccu putemu dìri jè ca ìddi nun dicìanu "caballus", ma "cabaddus", jissennisi lu latinu abbissatu supra a nu stratu linguisticu miditirraniu (la prununza ritruflèssa di lu gruppu "ll" jè cumuna cu lu sardu e lu corsu). Annunca, nun putemu mancu sapìri comu jèvinu ammuntuvannu lu verbu "esse": sicuru, nun nti la manera di lu latinu crassicu. Agghiùnciu chi siddu scrivèmu "jiri", "jattu" e "justizzia" dunca âmu a scrìviri "jèssiri".
Pi quantu ammeci arriguarda l'ammiguitati supra a "lassau o lassò", la sicunna varianti jè furma dialittali, jissennu comu prima dissi na furma accurzata di "au". Supra a chistu nun ci sunnu dubbî, Stefanu Prutunutaru scrivìa d'accuddì:
E si pir suffriri
ni per amar lïalmenti e timiri
omu acquistau d'amur gran beninanza,
digiu avir confurtanza
eu, chi amu e timu e servivi a tutturi.

Assabbinidica, Contra 22:58, 23 01 2011 (CET)