Depeche Mode

Dâ Wikipedia, la nciclupidìa lìbbira.
Depeche Mode
Li Depeche Mode cu li musicisti Peter Gordeno e Christian Eigner, a Barcellona, 2006.
Li Depeche Mode cu li musicisti Peter Gordeno e Christian Eigner, a Barcellona, 2006.
 Paisi d'origini:  Regnu Unitu
 Gèniri:  Alternative Rock, College rock, Synth pop, New wave, Rock elettronicu
 Piriodu d'attivitati:  1980 - in attività
 Casa discùgrafica:  {{{Bullu}}}
 Album:  23:   13 studiu;   4 live;   6 raccolti
 Situ Web:  {{{Situ Web}}}
[[Image:{{{Fotugrafia}}}| 230px|{{{Didascalìa}}}]]
Si mmita a siquiri stu mudellu

Li Depeche Mode sunnu un gruppu ngrisi, di Basildon, ca nascìu ni lu 1980 comu nu gruppu ca facia elettronica. Nni lu gruppu ci su Dave Gahan (vuci), Martin Gore (chitarra e tastiere) e Andy Fletcher (tastiere, bassu e portavuci).

Quannu accuminciaru c'era puru Vince Clarke, ca si nni ìu nnô 1981. Quannu Clarke si nni ìu, Alan Wilder pigghiò lu so postu nnô 1982 pi poi irisinni nnô 1995. Lu gruppu accuminciò nni la scena synthpop ngrisi e havi appressu na carriera di cchiù di trent'anni, e addivintaru lu gruppu synth-pop cu cchiù successu nnâ storia di la musica elettronica. Rolling Stone dissi ca sunnu "la quintessenza di la musica elettronica di l'anni 80"

Li Depeche Mode vinneru qualchi 100 miliuna di album nnâ tuttu lu munnu, ma ficiru assai successi, comu Just Can't Get Enough (1981), People Are People (1984), Never Let Me Down Again (1987), Enjoy The Silence (1990), Precious (2005) e Wrong (2009), sulu pi dirinni alcuni.

Storia di lu gruppu[cancia | cancia la surgenti]

Quannu si chiamavanu Composition Of Sound[cancia | cancia la surgenti]

Nno 1976 Vince Clarke e Andrew Fletcher ficiru un gruppu ca si chiamava No Romance In China, ma un ficiru nienti. Nno 1979, Vince nzemmula cu Martin Lee Gore ficiru un gruppu ca prima chiamaru French Look e poi Composition Of Sound. Nno 1980 Vince ntisi David Gahan ca cantava Heroes di David Bowie e ci addumannò di uncirisi cu iddi. Fu Gahan ca proposi di canciari lu nomi in Depeche Mode, ca era lu nomi di na rivista francisi di moda. Accuminciaru comu gruppu ufficialmenti nno 1980 quannu ficiru nzemmula cu autri gruppi la compilation Some Bizzare, cu la canzuni Photographic. Guidati di Daniel Miller, nno 1981 pubblicanu lu primu singolo Dreaming Of Me e New Life. Chisti dui canzuni eranu puru nni lu primu album, Speak & Spell, scrivutu principalmenti di Vince Clarke, cu Martin Gore ca cantava tri canzuna. Vince Clarke però un voli iri girannu pi paisi pi fari li concerti e abbannuna li Depeche Mode pi uncirisi prima cu Alyson Moyet e criari li Yazoo, poi cu Andy Bell pi fari li Erasure.

Li primi successi[cancia | cancia la surgenti]

Quannu Vince si nni ìu, Martin accuminciò a scriviri li canzuna ô so postu. Nno 1982 lu gruppu pubblica A Broken Frame, fattu cu assai canzuna ca Martin aveva scrivutu quannu aveva 16 anni. Pi lu tour però lu gruppu havi bisognu di un autru tastierista, e accussì chiamanu Alan Wilder, ca poi addiventa membru effettivu di lu gruppu. Cu chista squadra, lu gruppu accumincia a fari un album ogni annu: nno 1983 niscìu Construction Time Again, nno 1984 pubblicanu Some Great Reward cu cui addivintaru famosi â Merica. La prima parti di la so carriera finìù nno 1985 cu dui raccolti: Catching Up With Depeche Mode (sulu pâ Merica) e The Singles 81-85, ca su quasi li stissi.

Musica pi li massi[cancia | cancia la surgenti]

Nno 1986 accumincia la secunna parti di l'attivitati dû gruppu, cu Black Celebration, discu cchù accupatu, goticu e dark, ca poi nfluenza tutta la produzzioni appressu. Cu chistu album, e câ canzuna Here Is The House, Martin accumincia arreri a sunari la chitarra, ca aveva lassatu quannu lu gruppu decisi di didicarisi a sonoritati cchiù elettronichi. Nno 1987 câ pubblicazzioni di Music For The Masses e dî singoli Strangelove, Never Let Me Down Again e Behind The Wheel, li Depeche Mode conquistanu puru li Stati Uniti cûn concerto enormi ô Rose Bowl di Pasadena ca fu arriggistratu nno discu 101

Violator e Songs Of Faith And Devotion: prima l'apici e poi la crisi[cancia | cancia la surgenti]

Cu Violator ca niscìu nno 1990 (ca è unu dî album ca piacìeru cchiù assai grazzi puru a dui canzuni, Enjoy The Silence e Personal Jesus) li chitarri addiventanu fondamentali. Lu tour ca ficiru poi (lu World Violation Tour) fu un successu enormi, sulu ca â fini dû tour accumincia un periodo di crisi, Dave canusci Theresa Conway e abbannuna la mugghieri Joanne Fox cû figghiu. Di chista crisi, lu gruppu rallenta la nisciuta dî album: Songs Of Faith And Devotion fu pubblicatu sulu nno 1993. Cu chistu addiventanu puru cchiù rock, vistu ca Alan accumincia a sunari puru la batteria. Lu fattu ca Songs Of Faith And Devotion vinnìu 4-5 miliuna di copie un significava ca lu gruppu stava buonu: Andy era depressu, Dave era tossicodipendenti, Martin e Alan un si capevanu.