Dariu Adamu

Dâ Wikipedia, la nciclupidìa lìbbira.

Dariu Adamu (o Dario Adamo n talianu) è nu tinuri sicilianu ca nascìu a Rausa ntô 1974.

Dariu Adamu.

Ntô 2000 si lauriau 'n musiculuggìa e furmau nu gruppu musicali chiamatu i Taddariti - Nuovu Canzunieri Ibbleu – cu cui hà fattu cintinara di cuncerti e tri disca di mùsica pupulari. Ntô 2002 ricivìu lu prèmiu Giovani Talenti Ibblei dâ Junior Chamber di Rausa. Participau ô Dramma Sacru di Vittoria e ô dramma Ciavieddu pâ riggìa di Gianni Battaglia (2004).
Doppu ca si diplumau 'n cantu lìricu ô cunzirvatòriu “F. Torrefranca” di Vibbu Valenzia cu Marcellu Paci (2004), accuminzau la sò carrera ripurtannu na minzioni spiciali ntô cuncorsu ntirnazziunali Ibbla Grand Prize (2005). Doppu l’esami di cumpimentu nfiriuri dû flàutu ntô 2007, sta priparannu ora l’esami di dipluma cu Sibbastianu Molé e cullàbbura cu varî rialtà curali comu sulista.
Eni la vuci sulista dû "Sud-Est Ensemble", furmazzioni cu cui si asibbisci cu un ripirtòriu upirìsticu e macari sacru.
Hà cantatu l’Avi Maria di Caccini ntô Domu di Mosta (Malta, 31 marzu 2007) e nta l’òpira pî picciriddi Brundibar cô diritturi Màssimu Incarbone (Tiatru “Colonna” di Vittoria, 22 maiu 2007). Di picca tempu cantau macari ntâ cirimònia pô bicintinàriu dâ nàscita di Garibbardi (Rende, CS, 28 nuvèmmiru 2007). Ntô 2008 ha sunatu cô pianista Gianluca Abbati.