Dammusu

Dâ Wikipedia, la nciclupidìa lìbbira.
bùsciula Nòtula sdisammìgua - St'articulu parra di la tipica custruzzioni familiari ca porta stu nomu. Siddu stati circannu àutri significati , vidi ccà.
Dammusu a Modica

Nu dammusu è nu tipu di costruzzioni pi usu familiari tipicamenti siciliana. la parola si rifirisci a du' tipa distinti di casa: la casa storica dî Munti Ibblei custituita di na grutta naturali allaricata ntê seculi e la casa tradizziunali di l'îsula di Pantelleria.

Dammusu dî munti Ibblei[cancia | cancia la surgenti]

Lu carsismu tipicu di sta parti dî monti Iblei criau tuttu nu sistema di grutti ca favureru la cirazzioni di paiseddi ggià all'Èbbica preistorica. Li antichi pupulazzioni siculi si stabileru ntô tirritoriu Ibbleu ggià ntô VIII sèculu a.C. scavannu grutti ô cantu di chiddi naturali.

Duranti li sèculi sti grutti hanu statu addibbiiti a tombi, e appoi a abbitazzioni. Cu la duminazzioni àrabba, li grutti foru allaricati prima cu custruzzioni di lignu e appoi cu casi di muratura a siccu. Muòrica ni eni n'esempiu tìpicu n quantu sti grutti rapprisentanu lu rpimu nsidiamentu: li abbitazzioni nichi dâ parti storica dâ citati sàrbani ancora ê jorna nostri sta tistimunianza mpurtanti dû passatu. Ntâ zona di Palazzolu, Buscemi, Buccheri, Ferla e Cassaru li dammusi sunnu assai diffunnuti e si nun si custrueru sfruttannu grutti esistenti sunu rializzati cu archi a tuttu sesti n petra carlcaria, a fudirari la grutta o a allaricari la parti di dintra.

Dammusu di Pantilliria[cancia | cancia la surgenti]

Dammusu a Pantelleria

Lu tìpicu dammusu di l'ìsula di Pantilliria e di uriggini ncerti, ma prubabbirmenti assai luntanu. Li esemplari cchiù semprici sunnu custruzzioni n petra lavica lucali, murata a siccu cu nu duplici paramentu di petri sbuzzati a spaccu e mura assai spissi. La chianta è giniralmenti quatranculari eggh'è surmuntata di na cupirtura a cùbbula o cchiù raramenti a vutti, mbiancata a caucina e usata pi la cugghiuta di l'acqua ca alimenta la sterna. Carattiristici elimenti di arredu architittonicu dû dammusu pantescu sunu la casina (nicchia ntê mura), la ducchena (banchina n pietra addussata ô muru), la pinnata (tettoia cu travaturi n lignu e cupirtura di canni) e lu passiaturi (na speci di corridoiu scupertu pô culligamentu di diversi lucali).

Wikimedaglia
Chista è na vuci nzirita nni l'artìculu n vitrina, zoè una dî mègghiu vuci criati dâ cumunità.
Fu arricanusciuta lu 9 di nuvèmmiru 2013

S'hai traduciutu n'artìculu o hai criatu na vuci e riteni ca sia lu casu di fàrila canùsciri picchì è cumpreta n tuttu, signàlila. Naturalmenti, sunnu boni accittati suggirimenti e canciamenti chi mìgghiùranu lu travagghiu.

Signala na vuci          Archiviu         Talìa tutti l'articuli n vitrina