Cui assai avvrazza nenti stringi

Dâ Wikipedia, la nciclupidìa lìbbira.

Cui assai avvrazza nenti stringi è nu pruverbiu di la tradizzioni linguìstica siciliana. Lu significatu di la sintenzia è: nti la vita unu hà sapiri mancari accuntintàrisi, nun s'hannu a vuliri troppu cosi picchì annunca ni finisci ca nun arrèstanu mancu li cosi c'avemu.

Di taliari la rassumigghianza di furma e significatu ccu nu pruverbiu di la tradizzioni taliana Chi troppo vuole nulla stringe ("Cui voli assai nenti stringi") e ccu n'àutru di la tradizzioni siciliana ca dici a rinforzu di chistu Cui havi picca caru teni.

Citazzioni[cancia | cancia la surgenti]

Lu pruverbiu è citatu e spigatu nti la Raccolta di proverbj siciliani ridutti in canzuni di l'abbati Santu Rapisarda.

«  Si a vucca china, ed a due ganghi mangi,
ogni vuccuni a la gula ti mpingi,
e si cchiù cosi ntra na vota aggrangi,
pri un veru sceccu lu munnu ti pingi:
si giusti li toi forzi non bilangi,
arresti d'una trigghia, e nenti spingi,
ammàtula d'ammazzi, sudi, e chiangi;
cui troppu avvrazza nenti affattu stringi.  »
( Raccolta di proverbj siciliani ridutti in canzuni )


Vuci cunzigghiati[cancia | cancia la surgenti]