Ciuri ciuri
Ciuri Ciuri è cu Vitti na crozza, forsi la canzuna pupulari siciliana cchiù cèlibbri. Li virsioni esistenti nun si cùntunu. I "Ciuri" (talianu: fiori, cu na maniata di equivalenti 'nto Lazziu, Tuscana e Salentu) sunnu semplicimenti sturnedda e lu testu varia di zona in zona arricchennusi certuni voti di strofi di travagghiu, d'abbandunu e d'amuri. Origginariamenti li strofi erunu sulu d'abbandunu, vinennu cantati pi lassari n'amanti o pi fari screzziu (non sempri schirzusu) a la propria mugghieri o zita propriu o cuntrè di na sirinata (ciuri di rosi russi, a lu sbucciari: amaru a l'omu ca e fimmini cridi...), pi suttuliniari dilusioni e pinijamenti d'amuri.
[cancia] Li paroli
Eccu un testu tra li cchiù accanusciuti:
Ritornello.
-
- Çiuri çiuri çiuri di tuttu l'annu
- l'amuri ca mi daşti ti lu tornu...
- Çiuri, çiuri çiuri di tuttu l'annu
- l'amuri ca, mi daşti ti lu tornu...
- La La La La La, La La La La La...
-
- Lu sàbbatu si sapi allegra cori
- biatu cu havi bedda la mugghieri
- cu l'havi bedda cci veni lu cori
- cu l'havi làdia lu friddu e la frevi
- Rit:ciuri ciuri ciuri di tuttu l'annu
- l'amuri ca mi dasti ti lu tornu
- ciuri ciuri ciuri di tuttu l'annu
- l'amuri ca mi dasti ti lu tornu
- la la lalala' lalalalalala
- la me vicina è vucera pazza
- nun si la chiuri mai la sò vuccuzza
- nun si la chiuri mancu si s'ammazza
- conzala comu voi sempri è cucuzza
- rit.
- cchiù ti taliu cchiù diventu siccu
- mi sentu cu la testa dintra un saccu
- pi venì appress'a tia persi lu sceccu
- e ora comu fazzu a cu accavarcu
- rit.
- mi pozzu strarriari cu me matri
- picchi' mi fici accussi curtulidda
- li longhi sunnu tutti strarrieri
- li curti sunnu di zuccaru e meli
- rit.
- haju 'na zita ca si chiama nedda
- bedda di facci ma senza mirudda
- ci dissi mi la dai 'na vasatedda
- mi dissi no picchí manciai cipudda
- rit.
- ciuri di gersuminu rampicanti
- si tu di notti a mia cantari senti
- nun cantu nné p'amuri nné p'amanti
- ma cantu pi vagarimi la menti
- rit.
- me sòggira mi dici va travàgghia
- nun fari mali pàtiri a me figghia
- quannu tâ detti eu era na quàgghia
- ora l'arriducisti na rarìgghia.
- rit.
- ciuri di rosi russi a lu sbucciari
- amara a l'omo ca fìmmini criri
- amara a cu si fa supranniari
- lustru 'i paradisu nun nni viri.
ciuri di ruvittara e spini santi surdu cantari passannu mi senti nun cantu ne p'amuri nep'amanti picchi mancu mi passi pi la menti RITORNELLO:ciuri ciuri ciuri di tuttu l'annu l'amuri ca mi dasti ti lu tornu ciuri ciuri ciuri di tuttu l'annu l'amuri ca mi dasti ti lu tornu ciuri di rosi russi a lu sbucciari amaru l'omu ca fimmini criri amaru a cu si fa suppranniari lustru ri pararisu nun ni viri RITORNELLO................. ciuri ri gelsuminu rampicanti mi scialu riru e cantu allegramenti tutti li passu caa avanti pi fariti dispettu eternamenti RITORNELLO..................... ciuri ri canna ciuri ri cannitu si comu u casalinu sdirruppatu meggliu na vita sempri carzaratu ca starimi cu tia na sira zitu RITORNELLO.....................
