Cicciu Busacca

Dâ Wikipedia, la nciclupidìa lìbbira.
« Passa la notti e veni la matina, lu suli si ni va, veni la luna, comu lu ciumi lu tempu camina, e camina l'ità di la pirsuna »
(Cicciu Busacca)


Franciscu Busacca (o Francesco Busacca n talianu) cchiù canusciutu comu Cicciu Busacca ca nascìu a Paternò lu 15 di frivaru di 1925 e ca murìu a Paternò ntô 1989 fu un cantanti e cantastori sicilianu.

Biografìa[cancia | cancia la surgenti]

Criscìu a Paternò ascutannu li versi di li cantastori Paolo Garofalo e Gaetano Grasso.

Dibbutta ntô 1951, ntâ chiazza di San Catardu (Caltanissetta), cu la rapprisintazzioni di L'assassinio di Raddusa, trattu di na storia di crònuca avvinuta riarmenti ntô paisi di Raddusa (Enna), unni na picciotta di 17 anni s'avìa vinnicatu di l'omu ca l'avìa viulintatu, avvicinànnulu ntâ chiazza dû paisi mascarata di anziana e ammazzànnucci.

Lu munnu di li cantastori siciliani fu particularmenti sviluppatu doppu la Secunna Guerra Munniali, c'happi comu protagunisti Orazio Strano, Turiddu Bella, Vito Santangelo, Matteo Musumeci, Francesco Paparo (Cicciu Rinzinu) e àutri. Ntô 1956, Cicciu Busacca dibbuttau ô Piccolo teatro di Milano cu Pupi e cantastorie di Sicilia.

Nta l'anni succissivi, ncontra a Ignazziu Buttitta e la sò puisìa. Li risurtati cchiù significativi di la sò cullabburazzioni sunnu li misi 'n scena dû Lamentu ppi Turiddu Carnivali, Lu trenu di lu suli e Che cosa è la mafia?.

Nta l'anni '70, travagghia nta lu tiatru cu Dario Fo (Ci ragiono e canto) e partècipa a diversi prugrammi radiutelevisivi.

Cicciu Busacca, omu nicu ca dû tettu dâ sò FIAT 600 mùltipla cantava li stori di l'òmini di Sicilia, mori ntô 1989.

Cullabburazzioni cu Ignazziu Buttitta[cancia | cancia la surgenti]

Comu a Vito Santangelo, Cicciu Busacca cullabburau puru iddu cu lu famusu pueta sicilianu Ignazziu Buttitta

Premi[cancia | cancia la surgenti]

Ntô 1957, Cicciu Busacca, c'apprisintau la storia di "Salvatore Giulianu re di li briganti", vincìu lu premiu di lu 1° Concorso Nazionale dei Cantastorie "Il Trovatore d'Italia", a Gonzaga (Mantova), a cui puru Vito Santangelo participava. Cicciu Busacca vincìu cu la storia di Giovanni Accetta, L'Innucenti vinnicaturi.

Discugrafìa[cancia | cancia la surgenti]

  • Lu trenu di lu suli
  • Cosa è la mafia
  • Canzoni carrettiere siciliane
  • La storia di Giuliano (Il re dei briganti)
  • La storia di Turi Giuliano
  • La storia di Giovanni Accetta
  • La storia di lu briganti Musulinu
  • La storia di Turi Giulianu
  • Lamentu pi la morti di Turiddu Carnivali
  • Lu piscaturi sfortunatu
  • Storia di Orlando e Rinaldo (paladini di Francia)
  • Nascita del giullare. Il treno del sole
  • Un uomo che viene dal sud

Filmugrafìa[cancia | cancia la surgenti]

Bibliografìa[cancia | cancia la surgenti]

N. Tomasello, Ciccio Busacca, Catania, 2000

Lijami nterni[cancia | cancia la surgenti]

Lijami sterni[cancia | cancia la surgenti]