Christian Goldbach

Dâ Wikipedia, la nciclupidìa lìbbira.
Na littra di Goldbach a Euleru.

Christian Goldbach (Konigsberg, 18 di marzu 1690 - Mosca, 20 di nuvèmmiru 1764), matimàticu.

A S. Pitirsburgu divintau prufissuri di matimàtica e di storia. Doppu, ntô 1728, si occupau di l'educazzioni di Pietru II, â curti dû zar a Mosca. Viaggiau pi l'Europa e ncuntrau Leibniz, Nicola Bernoulli I, de Moivre, Daniel Bernoulli e Hermann. Lu cchiossai dû sò travagghiu lu fici nta na currispunnenza cu Liunardu Euleru, supratuttu in tiurìa dî nùmmura. Oi lu nomu di Goldbach è liatu a chiddu di na sò famusa cungittura, chi Goldbach pruposi nta na littra a Euleru ntô 1742: lu prubblema di sapiri si ogni nùmmuru pari si pò scrìviri comu na summa di du' nùmmura primi nun ha statu ancora risulutu. Si occupau di summi nfiniti, di tiurìa dî curvi, e di tiurìa di l'equazzioni.