Chiesa Cattòlica Rumana

Dâ Wikipedia, la nciclupidìa lìbbira.
(Rinnirizzata di Chiesa cattolica romana)
S. Petru a Roma, centru spirituali dû cattolicèsimu.

La Chiesa Cattòlica Rumana è na organizzazzioni riliggiusa chi si pruponi di diffùnniri lu missaggiu, li pricetti, e li raccumannazzioni di vita, secunnu la riliggiuni cristiana.

Ntra tutti l'organizzazioni chi si òccupunu di la diffusioni di la riliggiuni cristiana, la Chiesa Cattòlica Rumana è chidda chi havi cchiù adepti. Àutri cunfissioni cristiani, comu lu prutestantesimu, lu Cristianesimu ortodossu, si sipararu dâ chiesa cattòlica rumana â èpochi stòrichi diversi e pi mutivi dottrinali duvuti a diffirenzi di punti di vista dâ girarchìa di l'èbbica nta l'interpretazzioni dû messaggiu di Gesù Cristu.

Lu seggiu di la Chiesa Cattòlica Rumana si trova a Roma, ntâ cità dû Vaticanu, e l'organizzazioni geràrchica fa capu â figura dû Papa, chi attualmenti è Binidittu XVI. A carica di Papa è nna carica a vita, e quannu un Papa mori, tutti i cardinali si unginu au vaticanu, intra a cappella Sistina, affrescata di Michelangelu, pi eleggiri in segretu u nuovu Papa, di ddruocu vedi u dittu "muortu un Papa si nni fa n'antru", ca sta a significari u fattu ca u Papa c'è sempri, e anchi quannu iddru mori subitu d'uoppu n'antru Papa piglia u cumannu da Chiesa.

Orìggini[cancia | cancia la surgenti]

La difinizziuni e l'organizzazziuni ccrisiàstica canusciuta comu Chiesa Cattòlica Rumana nasci doppu dû 1054 quannu lu Papa di Roma Liuni IX fu scumunicatu dâ Chiesa Cattòlica (grecu: katholikos = universali), ca di tannu si dici Chiesa Cattòlica Ortudossa (dû grecu ortho = giusta, e dossia = fedi, duttrina), p'aviri arbitrariamenti agghiuntu la parola "filoque" (latinu = e dû figghiu) ô Credu e accussì canciatu la duttrina origginaria stabbilita dû Cunciliu di Niceni.

Nta li sèculi la Chiesa Cattòlica Rumana agghiunci â dottrina cristiana àutri dogmi, santi e ntirpritazziuni ca nun sunnu accittati di l'àutri cattòlici ortudossi, rinnennu sempri cchiù diffìcili li pussibbilità di junciri a n'accordu.

separatore

Riliggiuni
Ateismu - Agnosticismu - Monoteismu - Politeismu - Enoteismu - Panteismu - Animismu
Buddismu | Cunfucianismu | Cristianèsimu | Ebbraismu | Giainismu | Innuismu | Islam | Shintuismu | Tauismu | Zoruastrismu
Diu - testi sacri - cleru - eresia - mituluggia - lista di divinitati