Chiana (PA)

Chiana di l'Arbanisi
File:Piana degli Albanesi-Stemma.png
Muttu: Hora e Arbëreshëvet rron për gjithëmon
Nomu ufficiali:	Piana degli Albanesi
Pruvincia:	{{{pruvincia}}}
Superfici:	64,89 km²
Abbitanti:	6.214
Dinzitati:	97 ab./km²
Cumuni cunfinanti:	Parcu, Munriali, Santa Cristina Gela
CAP:	90037
Prifissu telefònicu:	+091
Situ ufficiali:	http://www.pianalbanesi.it/hora.htm

Chiana di l'Arbanisi (Hora e Arbëreshëvet nta la lingua arbanisi e Piana degli albanesi n italianu) è lu cchiù mpurtanti paìsi Arbëreshë di Sicilia, ca s'attrova a 24 chilòmitri n arreri di Palermu.

Postu a 740 metri supra lu liveddu di lu mari, e misu nta na conca pû nternu chinu di muntagni, è vicinu ô lacu ca pigghia lu nomu dû paisi. È ntra li cchiù granni e mpurtanti paisi grecu-arbanisi di l'Italia e lu pricipali di l'ìsula, cca teni ancura oi la lingua, la riliggioni ortudossa, li custuma, li tradizzioni e la cultura d'urìggini, rimanennu etnicamenti na cumunità abbastanza cumpatta.

Storia

Chiana havi stata jisuta a la fini di lu séculu XV, havi stata funnata nfatti lu 1488 dî èsuli arbanisi ca appiru a lassari la propia terra ppi l'arrivu dî turchi mussurmani nta l'Albania. Di tannu la populazzioni teni tutti li fatturi etnici, ca si fùnnano spiciarmenti ntâ lingua, ritu e custuma d'iddi.

Nzinu a lu 1941 lu so' nomu ufficiali n italianu era "Piana dei Greci" pi lu so' ritu cristianu orientali bizzantinu-grecu.

Lingua

Ntâ Chiana si parra na lingua propia, l'arbanisi (arbëreshë), e stu paisi si chiama "Hora e Arbëreshëvet" n arbërisht (la vecchia parrata arbanisi, mmiscata cu lu grecu). Li nzegni su' macari n du' lingui: italianu e arbanisi.

Quarchi frasi cumuni n Arbanisi

Falem	Salutamu
Çë bën?	Chi fai?
Si rri?	Comu stai?
Të haristis	Grazzi
Flet arbërisht?	Parri Arbanisi?
Ka vjen?	D'unni sì?
Gëzuar të të njoh	Piaciri di canuscìriti
Mirë menatë	Bonjornu
Si të thonë?	Comu ti chiami?
Mua më thonë...	Mi dicu...
O/ëj	Sè
Jo	No

Pi sapìrini chiossai

• Albania
• Grecia
• Arbëreshë
• Chiesa Ortudossa